غاية مرادي ..!

بسم الله الرحمن الرحيم
السلام عليكم ورحمة الله وبركاته
متواضعة اتمنى لها القبول

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]عسى قلب ٍ تزايد في صوابه=تطيب اجروحه ويبرى صوابه


ويلقى للسعد مليون مدخل=وحزنه ينتكس ويصـّك بابه


ياربي لاتشمت بي عدوي=الى من الزمن كشر بنابه


والى من صكـّت بوجهي .. ياربي=والى من صار فالدنيا انقلابه


وعاوني على فعل الجمايل=وبذل الطيب في دنيا الغرابه


فمن لا في شبابه حاز طيبه=خسر دنياه لاقفـّى شبابه


وانا ياكيف ماحوزه ياعالم=وانا من لابتة ٍ ثقل ومهابه



من آل البيت صلى الله وسلم=على محمد وآله والصحابه



بدون قصور في باقي القبايل=سواءاً خنذف ٍ والا شبابه



من آل البيت والتاريخ يشهد=على فعل ٍ يشرّف من حكابه



اهل عزة واهل نخوة وهيبه=واهل سيف ٍ مجرد من نصابه



عزاز نفوس ٍ اكرام ٍ قرومي=تعلوا فوق هامات السحابه



صبيهم فعله يساوى قبايل=وشايبهم بخمسين الف لابه



فانا مانيب لاماخذ ومعطي=في شيٍّ ثابت ٍ كلن درابه



عموما... ماحداني للقصايد=ولا والله حداني للكتابه


ياكود الي سطابي في حياتي=ياويل القلب من هم ٍ سطابه


لعبه واستباح ادموع عيني=ورّاها المذله والكآبه


الى مني بغيت اسج واسلا=طرا لي ماطرالي من عذابه


حبيب ٍ غايتي غاية مرادي=عساني فدوة عيونه و هدابه


احبه من عرفت العلم وآآآنا=ابي قربه وغيره يش اباا به؟!


وكبرت وزاد همي مع عنايه=وصارت يالله الخيره طلابه


كبرت ونزحوه عيال عمه=وانا مليت من جمرة غيابه


حبيبي ذي علوم ٍ لاتهمـّك=تريـّح واسترح .. لاتقول جابه


ترا مالحمول الا جملها=ولا لمسرا الليال الا الذيابه


وانا قد الحمول الجايرتي=وقد الهم لانوخ ركابه


اباابذل كل مااملك لجل عينك=بأسوق وجيه ربعي والقرابه


لجل ماأخسرك ياغاية منايه=بأشيل الحمل وحدي واعنابه


ولاني شاكي ٍ لأقرب ابن آدم=الآهي مايخيب من رجابه


(إليكَ المشتكى ياربُ إنّي=لعبدًا ضاقَ ذُرعًا مِنْ مُصَابِه)


فيالله عاون القلب المعنّى=على همه ليا نوّخ ركابه[/POEM]

وسلمتووووووووووووووووا