الشاعر : بندر بن سرور _ 3

السلام عليكم ورحمة الله وبركاته
هل المرقاب الكرام هذي أحد قصائد الشاعر بندر بن سرور ( رحمة الله عليه )
واعذروني على التقصير فنقلي لها كما وجدتها ،،،،
[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا منير عمر لي من التتن معمار=يبر الغليل اللي على القلب سالي
ولا رفعت الصوت وأبديت ما صار=من شان تدري ويش ولا بحالي
ما كفاك مني سجتي بعض الأمرار=أنهج جنوب وحاجتي بالشمالي
أركض مع الدنيا كما ركض دورا=يا ما كسب زندي ويا ما غدا لي
الله على اللي عايروها بالأمتار=أطراز بنجٍ شغلت بالعدالي
زادوا هواها وأطعموها من النار=حتى النبير المنجضع صك عالي
نشت سماء ما جربوها مع القار=طارت مطير الطير ضبع الكحالي
تلفي على اللي في طرف نجد سنجار=يشدي جبل سنجار بين ألجبالي
بأطراف بيته للمواجيب شنكار=معلاف كبشٍ عند راعيه غالي
ثم قل أبو بندر ترى الوقت دوار=يفطن تراني منفعة لو شكا لي
إن زان وقته صار بالسلك يندار=وإن شان قص مروبعات ألحبالي
قومه عتيبة شيوخهم مالها أمرار=أنسور حومٍ يتبعن التوالي
والله يا لولا الخوف من بعض الأشرار=لا عد شيٍ شفته أول وتالي
كم واحدٍ بين العماهيج هذار=مغترته نفسه بكبر الضلالي
يبلس على ربعه ويدنس بالأسوار=ويعد نفسه من حساب الرجالي
كفه بخيل وقلبه أنجس من الفار=أسود طرف وأدغم من السرمدالي
هذاك بعده خير ما كنت أبختار=أجزاه بالصدات وأبعد مجالي
ابعد مجال الرجل عن كل عقار=وأصبر على الصكات والعمر بالي
وليا وطني غبر الأيام بازوار=غيري جماعه ما وطني لحالي
شفت ألوزا وشتلت لي منه قنطار=وليا عدلته شرق للغرب مالي
عبرٍ على الدنيا من العسر ليسار=ما ظنتي فيها حرام وحلالي
حرام للفنجال سوقه ليا فار=ألا على اللي يرخصون الريالي
وأنا الذي ما قول في نجد شعار=وإذن به شعر ما حدٍ حكا لي[/POEM]

الشاعر / بندر بن سرور العتيبي ( رحمة الله عليه )

تحياتي للجميع اخيكم



العجمــ بــــــدر ــي...@@