الآحي الورقا

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] لاضاق بالي واغلق الصدربالضيق=سجيت رجلي في محاري هل النوق
حتى يهون مالجافالمعاليق=هم تسارج شبته زحمة السوق
هم على الهجعه وهم على الريق=وأغلى محاصيله من احساس وعروق
شي يحرق ثومة القلب تحريق=وتلحق مراكيضه على كل معلوق
يلقى به الطيب من الضيق تضييق=ويدعى بملواح الغبن دمعة الموق
ماحركه سبة غرام وعشاشيق=ولاشن غاراته سبب ولف غرنوق
همي سبب وقت يذل المطاليق=ويلبس التيجان سافل ونقنوق
ضاعت به الهقوة وجل المواثيق=واعطى الصدارة فرخ حيه وزاروق
بانت به العجبة وقل التوافيق=القاع مسني والسمامزن وبروق
لوداردولابه على قمة طويق=شفته يحرك قمة الضلع من فوق
قلته وانالي منه قفلة وتغليق=لوسانعت لي روقة البال ماأروق
ماغير أعاقب سجة الرجل وأويق=والآحي الورقا على كل طاروق
غنيت من همي جميع الطواريق=واحفيت رجلي في حجا كل شاهوق
ماعاق حوم الطير غير المسابيق=الرجل حر وضدة أيامه سبوق[/POEM]