فراق الوليف ..!!

قديمه ..أتمنى أن ترتقي للذائقه



[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلامي على اللي يعرف الشعر وأنواعه=ويعـرف طواريقه ومعنـاه ولحـونه

أنا شاعر والشعر مـا أضيع أسنـاعه=أنقـي قصيدي و أعتني فيه و أصونه

إلا من طلبته قـال لي سمع و طـاعه=و إلا من عرف مغزاي ما ينثني دونه

على هاجسي وضعـه ومعناه وابداعـه=وعلـي صفه ونظمه وتحديد مضمونه

طرى للمعنـا طـاري هاضـه ولاعـه=وكدر منامه واتعبه واسهـر عيونـه

فراق الوليف اللـي حسينـات أطباعـه=دوا خـافق تكثر طواريـه و ظنونـه

حبيب زرع وسط الصدر حبـه زراعـه=ترعرع بقلبـي حبـه وثبت ركونــه

حرام علي أسج عن صاحبـي ساعـه=وأدور بديله و أرخص الحـب و أخونه

و ألا يا النسيم اللي من الغرب ذعذاعه=بـراده يبـرد خافـق بـاح مكنونـه

معك بالأمانه للغضي وصل وداعــه=سـلام وغـرام باقي ما اختلف لونـه

وقل له بحـر حب المعنا بـلا قاعـه=إليـن الشمل يلتم ويشـوف مضنونـه[/POEM]