>>>( وجـه الزمـان)<<<

السلام عليكم ورحمة الله وبركاته


اضع هذه المتواضعه بين ايديكم عسى ان تنال على اعجابكم...






[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو كل غلطه تجينا مانمشيها=يشيب وجه الزمان معقّد حجاجه

انداري الناس ونحاول نراضيها=وغير المشاريه ماخذنا ولاحاجه

لكنّ هالسالفه وش جاب طاريها=غير أنت ياشمعة الخفاق وسراجه

ياتحفةٍ ماوجد تحفه توازيها=ياملح شعري ويارمزه وياتاجه

تعال شوف الحنايا وش يجي فيها= من لحظة فراقنا لاوقت نتواجه

تحصل به اشياء مدري ويش اسميها=خلت رجول الهجوس الغبر دواجه

اي والله اهواك لكن ويش تاليها= مادام كل الدروب اليك منعاجه

من يدك كل الطعون الله يحييها=الا طعون الفراق المرّ وازعاجه

سنين عمري قطفت احلى لياليها=واخذت قلبي لأني كنت محتاجه

اتسهّر النوم والضحكه تبكيها=والناس قالوا يعد الشخص ماواجه

سويت لك كل حاجه كنت تبغيها =وانت ايش سويت؟ ماسويت لي حاجه!!![/POEM]