-((@@@ الشـــات @@@))-

السلام عليكم ورحمة الله وبركاته


الله يصبحكم بالخير .. ويسعد اوقاتكم


جاتني رساله على الاميل من مجهول !! ونصها بدون اي سلام ولا كلام .. (( نبي احدث قصيده )) فقط

.. وجات ذا البويتات اللي مدري مدري .. لكن هاكم ايّاها وتقبلوها رغم ضعفها الفاضح ..



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]احدث قصيده توّها ما بعد جات=اصبر شوي اغني احدث قصيده

رسالتك جتني وانا اتابع الشات=ابغي رفيقٍٍ لي دياره بعيده

يدرس بلندن قد له اربع سنوات=وما عرف جوّاله ولا اعرف بريده

وقالوا لي انه يدخل الشات ساعات=واسمه جبل وانشد وتلقاه سيده

ودخلت اشوف الشات و العالم اشتات=الحكي واجد والاسامي عديده

الزير واسامه وياسر عرفات=واصاله وهيفاء ونيله وعيده

مخلطه ما بين كل الحضارات=وكلٍ على ليلاه ينشد نشيده

وبرب تيت وباك هوتميل دوت آت=وهذا يصيد وذيك تبغي تصيده

سوالف وحب وغرام وعلاقات=و ورود واهدائات اغاني جديده

تلقى الشباب الاف عند البنيات=وكلٍ يطرّد فالطرايد طريده

وبعض الشباب يغيّر النك بسكات=اسمه فريد وبعد ساعه فريده !!

والبنت زهقانه ولا فيه طلعات=وجوّالها فضا وكمّل رصيده

تدخل و تستعرض وتعمل حركات=ولا بد ما تلقى صبي ٍ وليده

يعبي الجوّال في ظرف لحظات=ويحقق لها كل ماهي تريده

جوٍ مكهرب فيه كل الحكايات=وكلٍ يدوّر كسب يمناه بـ ايده !!

ومطوع ٍ ينصح باحاديت وآيات=ويقول تكفون المصيبه شديده

لكن خلق الله في حساب الاموات=لا عيب يردعهم ولا أية عقيده !!

يا عالم اصحوا واذهنوا للبزيرات=وسائل الترفيه صارت مكيده

ما فيه رجل ٍ داري ٍ بالحيالات=يضغط على بزره ويقرش حديده

ويمنعْه من درب الردى والسخافات=وينبّهه لو كان ماهوب ميده

وانا رفيقي راقد الظاهر او مات؟؟=عيّا يجي وانا ختمت القصيده !![/POEM]