الوادي

إلى مشرفي ومتابعي منتدى المرقاب ،،،،لكم هذا النص القادم من الماضي المفقود ،،،



[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامن يرد الما لواد مشى فيه=صوب التلاع اللي لطمها غيابه
واد وكان الما يسير ويسقيه=يسقيه يوم انه قراح شرابه
وجار الزمان وفارق المي واديه=وكل على الثاني بخل في عتابه
وادٍ جسر حتى المطر مايراعيه=وعلى الجفا غره شمطري شعابه
زمى بنفسه فوق عالي روابيه=وسوى على حيي يوده عصابه
قدم النفل والطلح ماشي مشقيه=يخفي هواجيسه ويكمى عذابه
كابر لو الما كل ماجاه يحييه=و بخل على نفسه وعطش ترابه
طاوع شقى نفسه على فراق غاليه=واقفى مع المقفين وافنى شبابه
عن المطر قفا تسوقه طواريه=لو كان يفرح لو عرض له ضبابه
وده ليا مره سحاب يناديه=وده يصوت له ويسمع جوابه
وده بأساليب المحبه يناجيه=ويجرحه حتى يشقق ثيابه
بعض الموده خافي الروح تدميه=وبعض الجروح تقول يامرحبا به
قفا السحاب اللي عيوني تراعيه=وجار الزمان وشح حتى سحابه
هذاه انا جرحي صعيب مداويه=وعرف دوى جرحي وخالف ركابه
وليا متى والعمر تبكي لياليه=وليا متى والشوق تزمي هضابه
وليا متى بنسى ولا نيب ناسيه =وليا متى والوجد يلمع سرابه
وياهاجس في البال لبيه لبيه=خذني الين آقف على حد بابه
وليا وقفت اترك عظيم المشاريه=خله يمكن في خفوقي صوابه
تعبت من وجد بقلبي مخفيه=ودنيا فلا تسوى جناح الذبابه[/POEM]