يوم جتنا العلوم الطيبات الجزال ! ! أنكرو علمي الغانم

بسم الله الرحمن الرحيم
واسعد الله أوقاتكم جميعا بالخير والمسرات
قصيده أضعها بين ايديكم وبدون مقدمات

[POEM="font="Arabic Transparent,5,darkblue,bold,normal" bkcolor="transparent" bkimage="./images/backgrounds/65.gif" border="none,4,gray" type=2 line=0 align=center use=ex num="0,black""]

يوم جتنا العلوم الطيبات الجزال = أنكرو علمي الغانم ومدة يدي ! !
والله اني ما سوق الناشفات الهزال = العطايا اجوديه من يمين أجودي
والقصايد تنادي : (انت ابونا تعال ) = والهجيني على عدل السنام إيحدي
طاب حظي وطاب العم هووالخوال = طاب كيفي ورفرف بالنجوم اسعدي
ما طلبت بقصيدي من هل المال مال = الله اللي كفل رزقي قبل مولدي
لو طلبت أقطع اليمنى واقص الشمال = اسمعي يا حروفي 00وانظري00 واشهدي
لقمة العيش لو تاتي بذل السؤال = جعلها سم هاري وافهمو مقصدي
والشعر كان مابه رفعة ٍ للرجال = بترك الشعر وقولو للفتاه اقصدي
لعنبو الراس كانه ما يعز العقال = لعنبو السيف كانه ما ردع معتدي
والحسايف على الدنيا الدنيـّه طوال = كل ما ننتهي من سالفه نبتدي
ايه انا الي رسمت الحرف فوق الرمال = وان عصاني رسمت الحرف فوق الجدي
البدايه تزلزل راسيات الجبال = مثل مزن السحايب جيت في موعدي
احتفل بالقصيده مثل ذيب العيـــــال = والقوافي بناتي والقصيد ولدي
دام ربي جميل يحب كل الجمال = ليه أجل ما شتري بشت الحساء وارتدي
اعتق الحرف من صدري وكنه بلال = واسجنه في قفص صدر القهر ويغدي
وين انا وين ودروب الحسايف طوال = والوطأ مجرهده والزمن سرمدي
مات صدام وهو يضحك على كل حال = قال انا ما ني أحسن من قصي وعدي
ارتفع قبل يرمونه يذيك الحبال = مات موتة شرف يا بو عدي يا بعدي
ما يحرك شعر راسي هدف للهلال = وان بغيت اقتدي اعرف بمين اقتدي
ضاق صدري وانا شاعر وسيع الخيال = بين الأشهاد وكني عايش بمفردي
وانثر الدمع وكم دمعه بنية حلال = تجلي الهم لا غاب الصديق الردي
ما وصلنا لنتيجه رغم طول الجدال = ومن تربى بحضن ابليس ما يهتدي
ضيعتنا مزايين الغنم والجمال = كيف توي دريت التيس خده ندي ! ؟
000000000000000000000000= 0000000000000000000000
قلتها يوم شفت الظل ماهو ظلال = والبلد تشبه بلادي ولاهي ابلدي
وسلامتكم 00[/POEM] وسلامتكم جميعا