برنامج الشعَار

مساكم الله بالخير

وأعذروني على طول الغياب

وأتمنى أن تحوز هذه الأبيات على رضاكم

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]البارحه عديت روس المراقيب=وجريت طاروقي بقوس الربابه

وأخذت أودي بالطواريق وأجيب=وأعلم الشعار فـن الخطابه

وماني بقول إني كذا دايم أصيب=لكن خطاي أعالجه في إجتنابه

وماحب أنا آرد غير عذب المشاريب=وماهوب انا اللي لاحضر مندرابه

والآدمي عمره مراحل تجاريب=والرجل ودَك يشتهر في شبابه

وإن ماإشتهر خلَه ولو يلحقه شيب=بينه وبين الجنس الآخر تشابه

شاعر ولا لي غير نفسي معازيب=وماني مثل خطو الضعيف الزلابه

اللي يمسَح جوخ راع المناصيب=باني أمل إنه ينول الرضا به

ومن هو يقول إن الفقر عيب بيخيب=الفقر عزٍ للرجال ومهابه

واللي يعيـَبه الفقر جعله يعيب=الفقر ماعيَب عمر والصحابه

ياخوي أنا ملَيت كثر المكاتيب=وملَيت من طي الورق والكتابه

وملَيت من جور الزمن والتصاويب=وملَيت من رتمٍ ملي بالرتابه

وملَيت من زلات بعض الأصاحيب=رفيقي اللي ماإستمع من حكابه

ولاَ الردي راع الفعول المخاييب=أنا أشهد إن ماني محسَب حسابه

لكن زلة من يعرف المواجيب=لاكرَها ماهو بنافع عتابه

برنامج الشعار يحتاج ترتيب=مليونهم خلَف عصابه عصابه

هلايمِ تتبع مروجة أكاذيب=خِيَب وتمشي في طريق الخيابه

يقوللي نبقى ترانا وبتغيب=وإن العراقي ما يأثر غيابه

قلت إنكتم وإعقب ترى كلمتك عيب=مدام يوسف من سلايل عتابه

ولاَ الشعر خلَه لمثلك مكاسيب=لكن ونعم فـ لابتك والقرابه

وحنا نبى نتعب على كسبة الطيب=والحمد لله لي قرايب ولابه

تشهد لنا ذيك السيوف المحاديب=وتشهد لنا الشلفا وذيك الحرابه

وخصيمنا لا جاء نهار المناشيب=يعرف مصيره لا نوى الله عذابه

والذيب لامنَه عوى جاوبه ذيب=ومن فضل ربي كل ربعي ذيابه

ليا ركبوا من فوق حدب الغواريب=يشيش من هو لا سمع ينتخابه

وباقي القبايل ما بها شكٍ وريب=الكل منها فعلها مايجابه

ولاَ أنت سافل يالهلامه ولانيب=على الودر لا راح يفقد صوابه

ومن هو يقدَر هالَلحا والأشانيب= بعض اللَحا في وجيه أهلها عيابه

ومن هو يقول إن الفقر عيب بيخيب=الفقر ماعيَب عمر والصحابه

وإن كانها بالطيب حنا هل الطيب=والكل يعرف وش قبيلة عتابه[/POEM]