(*(( بنت القلب ))*)

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اهتزت الصوره ورى البرواز وانهدّ الجدار = ولا لمحت اعلى طرف حدّ الجدار الاّ دمي
وتبعثرت تركيبة ايامي على احلام الكبار = وازريت اهج وقيد بنت القلب يدمي معصمي
تعبت لا احسّن مقام الليل في عين النهار = وأسرف حشايه يكرم جروحي على ضيق نسمي
افراحي بصدري قطيع أغنام عاشت في حصار = والحزن ذيبٍ لاعماه الجوع حوّل لغنمي
ياامّ الخطا ماعاد ينفع للخطا رد اعتبار = وانتي خطاك عروقه بصدري وشوكه في فمي
إنهرت من فعلك وانا رجّال ما ارضى الإنهيار= وادوس قلبي لو يجرّح كبريائي بقدمي
لايزعجك صمتي .. وانا عشقي بدرب الإنتحار = لابس جميع احساسي وروحي وشحمي ولحمي
لو الكلام يجبّر المكسور بعد الإنكسار = ماكان فوق الارض هاذي شفت دمعة آدمي
ولو ان حزني ينتهي لا بدّلت دارٍ بدار = والله لسافر لآخر الدنيا وحلقي ماضمي
اكبر هزيمه توجع الإنسان .. بعد الإنتصار = واكبر قهر .. لاصار باللي يطعنونه يحتمي
وش عاد اسوي يوم هبّت ريحك وثار الغبار = حتى المفتّح ينحسب وسط الغبار من العمي
ماغير اعبر عن صدى صدري نهار الإنفجار = حتى تغادر دمعة عيوني على راس قلمي
واعسف هواجيسي على وجه الورق عسف المهار = وارسم صهيل اوجاعي بلونين همي وندمي
والعب مع الوقت الردي لعبه مثل لعب القمار = احياناً يرزّ علمه واحياناً ارزّ علمي
حاولت اخلّي للعتب والعفو في قلبي مدار = لكن خطاك مجرّد السيف الجري وانا سمي
يعني على صوت الصليل قلوبنا تاخذ قرار = امّا على الوصل أنتمي ولا على البعد إنتمي
وان طاحت الصوره من البرواز وانهدّ الجدار = الله يسامحني عدد مافوّر بقلبي دمي[/POEM]