((*( ياخوي)*))

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياخوي ريّح صدرك وخلّ الحزن في صدر اخوك = وخلّ الدموع لرمش عيني كان تبغى راحتي
ولايلحقك من ناحية بعض السواليف الشكوك = ماغير هوجاسي يجوع ويشتهي تفاحتي
اسري على جدّه يابو نادر واعوّد في تبوك = واحرّك احساسي حسب ماتحتوي مساحتي
واجامل ايامي عشان اخذ على احلامي صكوك = واقطف زهور الياسمين اللي بدت في واحتي
ما اقول لك داله ولكن ماش ورد بدون شوك = اشكي على مخدّتي وارتاح في طراحتي
أعيش والدنيا مزيج إحساس وافكار وسلوك = وان مت مدري وش يجي من دنيتي في راحتي
افراح واتراح ومواقف واحتمالات وشروك = واللي على سبّورتي خلّه على مسّاحتي
يبقى رصيدي في قلوب الناس ماهو فالبنوك = لو انّي افقد كل يوم اثنين من صراحتي
ياقلّ من يفرح من افراحي وسط قلبه ياخوك = وياكثر ناسٍ ودّها تفرح على إطاحتي
وانت تعرْف طريقتي المُثلى على سدّ الحنوك = وانا معلّق نار عدواني على قدّاحتي
وان قلت لي لافُضّ فوك اقول لك لا فُضّ فوك = وانته سبب تميّزي فافكاري و فصاحتي
استاذي الأول وفي عيني ملك ضمن الملوك = علّمتني في غبة بحور الزمن سباحتي
يعني يابو نادر مقامك معتلي في صدر اخوك = إرتاح من بعض الهموم ان كان تبغى راحتي[/POEM]