مقتطفات من شعراء مطير .. بـ ِ أقلامكم !!

.

.


تكملّه لقصائد متعب التركي ..



لاتنشغل فيني أنابحالي ادرى (0000) قلبٍ تعلّق فيك ينسى مع الوقت
اكثرمن اللي صارلي ويش يجرى (0000)بين الرجاوالياس فكري تعلّقت
مثلي ولوشفته عن همومه ازرى (0000) ماقال ليتك في جروحه ترافقت
هاك القصايد لاتضايقت واقرى (0000) شف وشكثرفيها لبسماتك اشتقت
أثرالوفا ينباع عندك ويشرى (0000)ماكنت اصدق فيك واليوم صدّقت
يامشتهي فرقا المواليف حذرى (0000)تبعد وأنا من سكرة الحب مافقت
لاطافت الفرصه تحريت الاخرى (0000)وتروح ماكني عليها تشوقت
ساري لو إن الليل مافيه قمرى (0000) اشيل من حمل الهوى فوق ماطقت
لاصارحظ أقشروالايام قشرى (0000)مافيه احد عاقل يلومك إلياضقت
صحيح بعض الناس فرقاه بشرى(0000)وبعض البشرلاغاب ليله تضايقت
ليتك خذيت بليل الاحباب مسرى (0000)غربت من كثر الطواري وشرّقت
السيل يبقاله على القاع مجرى (0000)ويبقالك التذكارلوكنت فارقت
اشوف لك من وين مارحت ذكرى(0000)ولاشفتها صديت عنها ودنقت
ماكل جرحٍ لاخذا أيام يبرى (0000)بعض الجروح يزيد شره مع الوقت




---


دليل المحبه شوف عيني عليك تغار (0000) ولاودي الحاسد عيونك يطالعها
مع إنك رحلت بعيدلكن بقى التذكار (0000) لياشافته عيني تسابق مدامعها
دفنت الغرام بخافقي والقلوب أسرار (0000) مشاعرهقيت إن الليالي تضيعها
فرحت برجوعك ماطلبت لخطاك اعذار (0000) ونفسي نست ماجرى من تواضعها
تهادت مشاعرخاطري لك بلا معيار (0000) تجاهلتها لوكنت خابر دوافعها
يقولون جنّب درب مالك معه معبار (0000) يلومون نفسٍ بعدالاحباب موجعها
يقولونها قبلي يخون البحربحّار(0000) والآمواج لاهاجت خذت ماتبي معها
تكاثرت منك الصد وأثرالعلوم كبار (0000) لقيتك على نفسي تقلّب مواجعها
اقوله وأنا اللي شفت ذاك الغلا ينهار (0000) يشوف الندم رجّال نفسه يطاوعها
مثل ماضرب جّوٍ خلاغادي محتار (0000) يدّوج ورجله مادرى وين موقعها
تعرض سموم القيض والدارمامن دار (0000) هليك وشعربالموت روحه ينازعها
جحدت الغلا لين امتلا بالخفوق وثار (0000) قصايد عساها اليوم تطرق مسامعها
غرامك مثل نارٍ حطبها الغلا النار (0000) تموت وغلاك اللي بقلبي يولعها
غلاك بضميري واضحٍ ماعليه غبار (0000) تشيل الغلا نفسي وأنا عاجز امنعها
يقولون ماودعّك : قلت الفراق وصار (0000) والإنسان روحه تنسلب مايودعها !
هذيك الليالي وين أثرالزمن دوار(0000) خذاها ولاظني زماني يرجّعها
طوتها السنين ولابقالي سوى التذكار (0000) لياشافته عيني تسابق مدامعها



---




ماقلت لي شي وش خليت ماقلته (0000)اسكت وخل الكلام لجرحي الدامى
لوغيرك اللي يسولف ماتحمّلته (0000) لكن على شان عينك هانت ألامى
للحب مفهوم عمرك ماتخيلته (0000)ماأظن يستوعبه تفكيرك السامى
هذا الفراق الطويل وهذي أسئلته (0000) هذا حصاد السنين وهذي أيامى
ياما وياما عليك البال طولته (0000) والعمرعدى وأنا عايش على أوهامي
حتى طريق الفراق اللي تساهلته (0000) لقيته أصعب على نفسي من أقدامى
اصبرلي شوي لودمي تثاقلته (0000) بحاول أستوعب اللي صار قدامي
الحب ضحكة بعينك بس ماطلته (0000) عمرك بهالكون شفت أبسط من احلامي!
القلب لوماخفق لك كان ماشلته (0000) ولوماأنت ملهم قصيدي جفت أقلامي
هذا قصيدي بعينك لو تجاهلته (0000) ينزف على شأن يروي قلبك الضامى
العام طاري غيابك ماتقبلته (0000)واليوم حرماني أصبح مصدر إلهامى
لاتعتذرلي وابنسى كل ماقلته (0000)وش ينفع العذر لامن ضاعت أيامى ؟




ليه وطيت عن خيل القصيد السروج (0000)ليه وطيت عن خيل القصيد السروج

لاتكملي الغلطات والعوج عود (0000) يضحك حجاج ولاينعقد لي حجاج

إصبرشوي وشعلمك تهوج وتموج (0000) ميت القلب مثلك مايعرف الهياج

ماتعودت اجامل معتلين البروج (0000)الزم العلم قبل يصير هرجك سماج

المشاعر تجي مثل المعاصيرهوج (0000) وانت مالك على هوج الرياح احتجاج

جيت وقلوب حسادي تهيج وتروج (0000) لاصفا جوهم ساعه قفاه العجاج

ابتسملك وهمي فوج يقفاه فوج (0000) من يحبك لزوم يصير مثلك هجاج

بس قلي وانا غلطان لك ومحجوج (0000) وين يلقون لجروح النواعس علاج!!

القمرغاب وأنت اطفيت نور السروج (0000)قلت يكفيك نورالوجه لا اصبح سراج

كن بين الضلوع العوج صفقات موج (0000) يوم فاض الغلا والشوق والقلب هاج

ضيقة الصدر لو بين المحاني تلوج (0000) كل ضيقه لها عند الكريم انفراج

ماهوالغيظ سبة كل ابو هالهروج (0000) بس مالي على بعض السوالف مزاج



.
.
.
.

مقتطفات من روائع متعب التركى




لك بقلبي غلا واعجاب ماهو بزايل (0000) لو عن الارض زال طويق والا سنام

كن دمع العيون اللي على الخد سايل (0000) صافي الما وهو يسقى ورود الخزام

راوي العود لاقاصر ولاهو بطايل (0000) ينعرف زولها لو هي بوسط الزحام
.
.
.
.
ضحيت بالواقع على شان الاحلام (0000) وضحيت بالغالي على شان غالي

حتى الغرام اللي كسر قلبي العام (0000) ماني بحاله كان ماهو بحالي

ماينحسب عمر البنادم بالاعوام (0000) بعض السنين نعيش فيها ليالي
.
.
.
.
متى ذكرتيني على شان تنسين (0000) خليك مره صادقه وانصفيني

في وقت واحد تكرهين وتحبين (0000) انا تعبت استحملك واعذريني

حبٍ سرق من عمري ايام وسنين (0000) مثل الهوا مايمسكنه يديني
.
.
.
.
احلى سنين العمر راحت هدايا (0000) لك يامجازي بالردى راعي الطيب

لي في حياتك ذكريات وخفايا (0000) تبقى ولو باكر غزا راسك الشيب

ولا الوفا ماله بقلبك بقايا (0000) عند الذي مثلك اظن الوفا عيب

.
.
.
.
ياليت مجروح الهوى جرحه يشاف (0000) لقول قرب من جروحك وشفها
.
.
.
.
اليا نشدوك العرب وش بينك وبيني (0000) قولي حياتي قصيده ..كان شاعرها
.
.
.
.
علمتني وشلون اصير انعزالي (0000) واخذت مني راحة النفس والبال
.
.
.
اتعب وغيري يجي ياخذ على الراحه (0000) من حظ غيري وانا اللي زارع وساقي
.
.
.
.
البسي لك ثوب غير اللي عليك (0000) من لبس ثوب الغرور اكبر غبي

تحسبين الناس خاتم في يديك (0000) من متى والعاطفه توخذ سبي

فز لك قلبي وانا قمت احتريك (0000) والكريم يصير لضيوفه صبي


..



ياوسيـع البـال ضيّقـت الصـدور....................رحت ماعلّمتنى ويـن أنـت سـارى

فى غيابك مـال خلـق الله حضـور.................وفى حضورك مالهم بالبـال طـارى

ليـه ماتختـال يـابـدر الـبـدور.......................والقصايد لـك وصيفـات وجـوارى

لـك بنـات الفكـر ربـات الخـدور...................يكشفـن لثامهـن والجـرح عـارى

جعل قلـبٍ مامـلاه الصـدق نـور..................عند وجه الريـح مايلقـى مـزارى

التغاضـى عجـز لاطـال القصـور.................ليـه أدارى وأنـت بالوضـع دارى

الزمان (ا ) قصيـر والدنيـا تـدور...............كل يوم يضيق فـى عينـى مـدارى

صاحبى محتاج لـك شعـر وشعـور.............وإحتياجى شـى ماكـان إختيـارى

من متى والغصـن يختـار الطيـور............من متى والبـال يختـار الطـوارى

لاتسمـى صمتـى البـارح غـرور............انكسارى خلف هالصمـت متـوارى

فى غياب الشمس وش ذنب الزهور؟.......والمطر لاشح وش ذنب الصحارى؟

اللقـا لحظـات والغيبـه شـهـور................تقصر الخطوات ويطـول إنتظـارى

لو قريت المنكتـب وسـط السطـور.............ماكتبـت لغلطـة العمـر إعتـذارى

صمت هالمينا مثـل صمـت القبـور..........مارسى مركب ولا لاحـت صـوارى



---


البارحه مدري وش اللي خذانـي ...............يوم اجنبو عني من الضيقه اشملت

جيت اتكلـم بـس عيّـا لسانـي .....................ماكني الا مرتكب ذنـب واخملـت

الله يسامح من ذكـرت ونسانـي ...................وانا ادري انـي لاذكرتـه تجملـت

عانيت وادري كل طيـب يعانـي .............وعلى حساب طعوني الخضر جاملت

ياما خذوا منّـي ولاحـدٍ عطانـي ................من طيبتي في حق نفسي تساهلـت

عـزاي لامنّـه تجهـم زمانـي ...........................يممت وجهـي للكريـم وتوسلـت

واللي يبي قربي وبعـدي لقانـي ..................امشي على وضح النقـا ماتختلـت

مرات احس انك معي شخص ثاني ...............ومرات احس انك حبيبي ومازلـت

لاتفرح انك دجت بيـن المحانـي .........................لـو ماتخـون الذاكـره ماتسللـت

عشان ماضيك الجميل وعشانـي ................حاول تشيل من الوفاء ربع ماشلت

ماني على خبرك حبيبـي ترانـي ....................حتى عن صغار الامانـي تنازلـت

.
.
.
.
.
جابتني الذكرى على الماضي كتاف.................سجيـت كنـي تونـي مكتشفـهـا

سرى بي الهاجس ومريت الاطراف.....................دوجت حـول الساعتيـن بطرفهـا

نعم تذكرت الزمـان الـذي طـاف...........................غديت مثل اللـي عيونـه طرفهـا

لي في غرام(ن) فات كلمه وميقاف...................لولا خفوقي هـام بـك مـا وقفهـا

اول غيابـك قلـت مابـي خـلاف...........................واليوم شف حالـي غيابـك تلفهـا

تجهل جروحي ياللي جروحك خفاف...................معذور لو قلبك جهـل مـا عرفهـا

ياليت مجروح الهوى جرحه يشاف......................لقول قرب مـن جروحـك وشفهـا

شفها بعينك كانك مـن الله تخـاف.........................حـاول تصلـح غلطتـن مقترفهـا

العمر لامنـه خـلا منـك ينعـاف .............................في حال والا حـال غيـر تعرفهـا

قدام عينك لـو تطلعـت وخـلاف.........................تلقى الخفايا خاطري لـك كشفهـا

خايف ومن مثلي معه حق لو خاف.......................تبعـد ونفسـي ماتحقـق هدفـهـا

ماللهوى عندك مواثيـق وانصـاف..............................ماكـنـه الا لعبـتـن محترفـهـا

اليوم لو ذكراك ترجع بـي خـلاف............................محبتـك سيـل التهايـم جرفـهـا



.
.
.
.
.


حسي بلوعـات الليالـي والاحـزان
بعديـن حسـي بالهـوى لا بغيتـي

وش به يهمك لو يقولـون زعـلان
لو فيـك ذره مـن الغـلا ماجفيتـي

يالي تقوليـن الخطـأ زلـت لسـان
في زحمـة الايـام ليـه اختفيتـي

خطاي وان جا مدري الذنب وش كان
ليـه انتهـى ذاك الغـلا وانتهيتـي

وقفت في وجه الزمن قدر الامكـان
وانتي جنح فيـك الخيـال وغفيتـي

غلطان انا في كل الاحـوال غلطـان
اسرجتلك خيـل القصيـد وسريتـي

جيتي وقلت الجرح يوم اقبلت هـان
وانتي على الجرح القديـم ارتكيتـي

قلتي لـي ان الحـب لابـد ينصـان
واليـوم ماكنـك دقايـق هويـتـي

شافوك حساد الهوى شوف الاعيـان
يومك على رجـم القصيـده رقيتـي

ما بان شي ولا بقا شـي مـا بـان
بس انتي اللي غافلـه مـا دريتـي

العام لك طاري بقلبـي ولـك شـان
واليوم احـس بغلطتـي لا طريتـي

وان قدر المولى وعشتـي بحرمـان
ومن حر لوعـات التجافـي بكيتـي

تذكري قلب(ن) له سنيـن شفقـان
شوفي بحقـه ياكثـر مـا خطيتـي

كل القصيد اللي اقوله علـى شـان
تهزك الذكـرى عقـب مـا نسيتـي



.
.
.
.
.



قبل اسافر وتنسى جيت اسلم عليك
جيت ابي عمري اللي اكتشفته غدى

ضاعت اجمل سنيني من عمايل يديك
اكذب ان قلت راحت لاجل عينك فدى

فرصة العمر قالوا لا غدت ما تجيك
جتني اكثر فرص عمري وضاعت سدى

جرب الخوف مره حس به يعتليك
وارفع الصوت ماتسمع لصوتك صدى

تدري اللي ذبحني قولتك ما ابيك
مابقالي لثاري لو بغيته مدى

ما هقيت المشاعر كلها ترتجيك
قل لها بالمفارق منهو اللي بدى

هاك دمعة عيون(ن) باكيه تشتكيك
هاك ريح ضمير(ن)ما استراح وهدى

ما تناظر عيوني زول هذي وذيك
ما يهز المسامع اسم ريم وهدى

قلت ماعادلي رغبة وشوفات فيك
قلت يا نفس طيبي يفرحون العدى

قلت عايف ونفسي بالخفا تشتهيك
عزة النفس تدري طيب ماهي ردى

خل عينك تهل دموعها وش عليك
انت خدك ورود ودمع عينك ندى



.
.
.
.
.


كل حاجه طعمها مر فى هذا الزمـان
هـم هالدنيـا وحنـا نعيـش لهمّهـا

المكان اللى عرفناه ماعـاد المكـان
والقلوب أحـداث الايـام زادت غمّهـا

صاحبى حتى أنت ماعاد تستاهل حنان
أنت بعثرت المشاويـر وانـت تلمّهـا

البكا فى مثل هالحال نوع من الهوان
والمهونـه كـل رجـال حـر يذمّهـا

صاحبى لو كان للناس والدنيا أمـان
ماتموت ورود الاحـلام قبـل نشمّهـا

خل عنك علوم الاحباب واللى كان كان
انتهيت وسيرة الشـوق مانـى يمّهـا

كلما تظما لياليك قمت أكتب عشـان
تنزف جروحى والايام تشـرب دمّهـا

الكلام الموحش يخاف نور الشمعدان
تحترق أسمى معانيـه قبـل يضمّهـا

من زمان أكتب علشان نقرا من زمان
بس ماشفت المكاتيـب جابـت همّهـا

.
.
.
.
.
.



لو قلت مرتـاح مانفسـي بمرتاحـه
غير التعب في غيابه مانـي بلاقـي

من عام الاول وقلبي تنزف اجراحـه
ضاقت على الوسيعه والفضا ضاقـي

لا بال مرتاح لا فرحـه ولا راحـه
كم لي سنه وانتظر غيبـات سراقـي

ارجيه عقب البطا لو طال مرواحـه
كانه على هقوتـي ماخـان ميثاقـي

قلبن يذوق الهوى من يكبح اجماحـه
خلوه يرتاح دامـه بالهـوى شاقـي

اضحك وقلبي مع اللي عجة ارياحـه
لا قلت ياقلب طالت قـال وش باقـي

اللي عيونـه وسـاع سـود ذباحـه
ازريت اداري غلاه بخافـي اوراقـي

ساكت وعيني ولو ماقلـت فضاحـه
حتى القصايد تخون وتفضح اشواقـي

لو ما بغيت الهوى صابتني ارماحـه
ماجاه دون اللحـم ساتـر ولا واقـي

مثل البحر كم غرق به ناس سباحـه
تضيع مع قوَ موجـه هقـوة الهاقـي

خبري بقلبه صدوق الشوق يجتاحـه
عندي خبر فيه مايقوى على فراقـي

اتعب وغيري يجي وياخذ على الراحه
من حظ غيري وانا اللي زارع وساقي



.
.
.
.
.


مرفوض ياللى بعت غيره عشانه
أزريت عن رد الجزا أو تهاونـت

مابي لك أكثر سد باب الميانـه
بانت مع الوقت الخفايـا وبينـت

مادام مالى وسط قلبـك مكانـه
أنا بعد مثلك عن الحـب هونـت

أنا مثل خيـال خانـه حصانـه
عذره يقول من الرسن ماتمكنـت

غرّه مع المركاض وارخى عنانه
مخطى وانا غلطان يوم انى امنت

لو كنت وافى ماتخون الامانـه
ياللى تقول تشيب روحك ولا خنت

ذاك الهوى لو ماشعرت بحنانـه
)ماكنت فى حلو القصايد تفنّنـت

شاعر تزلزل من فراقـك كيانـه
لك يعترف مايسكن القلب غير انت

لو كان قلبك صافى الود خانـه
فى ذمّتى ماهان حبّـك ولا هنـت

أحدٍ يخون وواحد الوقت خانـه
أنا ترى الثانى وألاوّل تراه أنـت

.
.
.

.
.



نسيتنـي علّمنـي شْلـون ابنسـاك
في هالزمن نسيان الاحبـاب عـادي

وشلون لامرّت على البال ذكـراك
وطيفك سرق منـي لذيـذ الرقـادي

وشْلون لاقالوا لي الناس وش جاك ؟
من كنت فـي لّـذة منامـك تنـادي

وشْلون اعيش اللـي بقالـي بليّـاك
لا من غدينا كل واحـد بـوادي !!!

لو قلت اداوي جرحي اللي تباطـاك
ماكلّ جـرح يْفيـد فيـه الضمـادي

اعلنـت حبـك ليـن كـلٍ تمنـاك
غلطة وغيري من خطـاي استفـادي

لو لي مثل قلبـك تمنيـت فرقـاك
واكيد قبلـك بالجفـا صـرت بـادي

حلوه عذاريبـك وحلـوه مزايـاك
حتـى بيـوم فراقنـا كنـت هـادي

كنّ الليالي ودهـا تكسـب رضـاك
وأنا يطـول مـع الليالـي جهـادي

في ذمتي ماهي غريبـة خطايـاك
مبطي وقلبـك لـو تنبّهـت غـادي

سهلة على من كان مثلك وشـرواك
مثـل الثيـاب يغيـرّون المـبـادي

علمني اكـره ذكرياتـك وطريـاك
وانسى من الليله صدوق الـودادي !

ولاني بقايل عقبها ويـن ابلقـاك ؟
راضي لو ان جروح قلبـي جـدادي

ولاّ القصايد جعلها مـن فدايـاك ؟
لبّستهـا مبطـي ثيـاب الـحـدادي

باكر على المخطي يدورنّ الافـلاك
ونشوف من يصعب عليـه البعـادي


--



يوم طاب السهر عيّت تطيب النفوس (0000) جت من الله وانا كم كنت محتاجها

كنها من حلاها كل ليله عروس (0000) خايفه من عيون الناس واحراجها

حى هالطول يازولٍ عساه محروس (0000) من عبث لوعة الايام وازعاجها

تزعل نفوس والا تمتلى غيظ روس (0000) من يقرّب لها وضلوعى سياجها

لامتى وانت ياشوق القلوب محبوس (0000) طالب السالفه وابطيت بعلاجها

جعل قلبٍ على نار الغياب محموس (0000) يحترق بين صاليها ووهّاجها

من خبر له غلا بين الضلوع مغروس (0000) غرسةٍ كلبو شعرى من انتاجها

لاتقرب لك الفرقا هذيك الهجوس (0000) ( من متى والبحور تفارق امواجها )

لازم اصبر على وجه الزمان العبوس () لين سود الليالى يضحك احجاجها

من بغى يقطع الفرجه يعاف الجلوس (0000) لين ياصل نهاياتها ومخراجها

كان شعرى قصر ماطال شمس الشموس (0000) تستريح القصايد داخل ادراجها

.
.
.............ترجّل الفارس..............

هذا الخبر صدمه وحزن وعلامه (0000) على محبّة كل الامه لـخطاب

هذا الخبر والهم هذى خيامه (0000) شرّع للأحزان النوافذ والابواب

ألحقت من جاب الخبر لى ملامه (0000) صعبه على الانسان توديع الاحباب

البارحه غابت عن العين قامه (0000) قامة رجل زلزل قناعات واحزاب

ترجّل الفارس وذب العمامه (0000) واستقبل الموت بحفاوه وترحاب

ترجّل بصمت ووقار وصرامه (0000) حتى وفاته شى يدعو للأعجاب

من يعتبر فقدان كفه وسامه (0000) أكيد ماهو لحظة الموت مرتاب

وجه واهو مسجى بدر فى تمامه (0000) ميت ولكنه واهو ميّت مهاب

أومت له كفوفٍ تمنّت سلامه (0000) بكته الامه قبل تبكيه الاقراب

خطاب ماهو بس رمز الشهامه (0000) خطاب نجمٍ فى سما الامه وغاب

حر شهر والطلع دار الكرامه (0000) والحر مايعنيه تحليق الاسراب

فعله فرض على الجميع إحترامه (0000) واسمه ملا الدنيا بطوله واهو شاب

ماكانت الدنيا مثار اهتمامه (0000) بالعكس كان لنصرة الدين وثاب

لو كان يبحث عن نفوذ وزعامه (0000) كان امتلا صدره نياشين والقاب

الاخره كانت على طول امامه (0000) فى هالزمن خطاب واشباهه اغراب

اختار بديار الجهاد الاقامه (0000) ومن كان هذى رغبته لازم يثاب

واختار بالاسلام ذروة سنامه (0000) الصبح ساحة حرب والليل محراب

يكفيه فخر ان الشهاده ختامه (0000) ماحسّب لدنياه ولعمره احساب

يارب تغفر له وترفع مقامه (0000) وتعظّم أجر إمة محمد بخطاب

رحم الله الشهيد


.
.
وهذى قصيده فى الامير عبدالله بن عبدالعزيز

السيف

.
هذاك عبدالله ليا طوّح السيف (0000) وقام يتلامع بين اصابع سموّه

برقٍ من عالية نجد للسيف (0000) كلٍ يخيله ويتباشر بنوّه

ولى عهد المملكه سمح ومخيف (0000) سمحٍ على شعبه مخيف لعدوّه

يشوف من عاداه له شى ماشيف (0000) ونشوف به حنّا حنان الابوّه

مثل الجبل ماشال هم العواصيف (0000) مثل البحر حتى هدوءه يتوّه

نسل الزعيم اللى نصل سيفه رهيف (0000) اللى قبس من مشعل الشرع ضوّه

عبدالعزيز اللى على امته ريف (0000) مامات لين احيا شعور الاخوّه

لولاه ماصرنا ربوع ومواليف (0000) ولولاه حاضر هالجزيره مشوّه

من غير عبدالله يغيث الملاهيف ؟(0000) يلقون فيه ضعوف الاسلام قوّه

أدناه فى عرف النشامى مشاريف (0000) ويطاول نجوم الثريا بجوّه

نايف على روس الشواهيق ومشيف (0000) عنده لشعبه والعروبه حموّه

ياسيدى تسلم لنا ظل ومريف (0000) بينك وبين الشعب عهدٍ وخوه

اى والله أعشق سيدى مابها زيف (0000) ومن لايحبه مابقلبه مروّه

((( والله لو إن الله خلق روح للسيف (0000) مايركد الا بين اصابع سموّه )))


.