الملازم والجندي

بسم الله الراحمن الرحيم


متواضعه عل وعسى

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياعذابي كل مايسدل الليل الظلام = والكرى جافى جنوبي وجفني حاربه
مالي الاّ انقاد للهم واعض البهام = واجلس لحالي واعد النجوم المرقبه
وياوجودي كل ماجاء للاشواق احتدام = وقمت اسجل مايجول بضميري واكتبه
وجد من طبق عليه الملازم فأستلام = قام في واجب خويه وقام بواجبه
جندي ن ماله سنه يوم باشر فالدوام = مستوى تعليمه الجامعي مانصبه
استلمه الضابط اللي مجازيه استلام = لين طيّح معنويات راسه وانكبه
وازرت عظامه تقله وعذّر فالمقام = ثم جثى قدم العساكر على روس اركبه
يذكر اللي يرتجونه بعد رب الانام = يالله انك لاتضيّع جهوده وتعبه
ذاك مثل اللي طواه التوجد والهيام = كل يوم يبعّد اللي مضى ويقربه
صاحبي مامرت اطيوفك امرور الكرام = لا ولاّ مرور صاحب سموّ بموكبه
مثل حاتم لانثنى دون ضيفانه وقام = اعتبرتك ضيف غالي في حكم معزبه
وقمت فالماجوب اسوق الغلا والاحترام = دون ماعلم عن حقيقة غيابك وانتبه
اعترف لك كل مامر طيفك فالمنام = قمت مثل اللي تعرض لصعقة كهربه
مابقى الآ ازهمك بأسمك على روس الانام = وّالد لك لدت يتم ن ينادي يايبه
لعنبوك ارحم ولاتبخل برد السلام =ولاتخربها معانا تراها خاربه
وبك لو مانته بتحضى بجل الاهتمام = ماسهجت الكون من مشرقه لامغربه
وانت مثل اللي على الوجه في صحراه هام =انجم واخطا الطريق الصحيح وجنبه
ماحدن بشر بشوفك ولارد العلام = كل مانشد عنك قالو تعذّر مطلبه
ولا انا لو يطوي الوقت عمري عام عام = مانهيت القلب عن شي ربي حببه
كيف ماحبك واودك واعديك الملام = وانت زينك ممتلكني وعقلي سالبه
كنك اللي ياخذ الوصف من ضبي العدام = التفت واشوف من بينك وبينه شبه
جل من خصك بطول المعنق والقوام =ربك اللي صور الحسن فيك وركبه
والعيون اللي نظرها مثل حد السهام = مايعيّن خير من تلحظه وتصوبه
يابعد خالي وابويه وجدي والعمام = لاتصدق من يقول (اعذب الشعر اكذبه)
وبك شعري قبل عرفك كلام ن في كلام = مير ذللحينه ينم الشعر عن تجربه
لاكن اسمع قبل ماعلن مراسيم الختام = واختم بيوت القصيده على آم و أبه
كان قصدك تنتقم مني اشر انتقام = شّد قلبي من ضلوعه بحلزه واقضبه
(ولاتعدتك المشاريه واخطاك الملام) = لعنبو من لايحطك في دقنه وشنبه[/POEM]
وسلمتو