عقبك بنات البدو ماهي طمايع

بسم الله الرحمن الرحيم

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]هذي نصيحه لكل ضايق وملتاع = عليه من صكات بقعا وقايع

تمحل وتلقالك مع الصبر مرباع = والصبر قالوا من كريم الطبايع

لو الصبرطول. .وضاقت بك القاع = تاتيك ركاب الفرج بالبضايع

خل الرجا بالله. .ولا تكون طماع = أرفع مقامك عن ردي الصنايع

لا ترتعد والخبل يوصى ولا طاع = حتى غدا من صوع الأيام صايع

أقولها مجرب وقانع ومرتاع = أشبعلي يوم. . وعشرة أيام جايع

جربت بهموم الزمن كل الأنواع = غديت سلعه بين شاري وبايع

لو كانوا ربوعي بعيدين الارماع = دار الزمن. . ومعاند الناس ضايع

ياصاحبي حلو النبا كيف الأوضاع؟ = الجرح مثل الجمر. . والبعد لايع

ياشين بغيابك مناديب الأوجاع = على خفوقي معدن الشوق مايع

مشتاقلك بالحيل. .والشوق قطاع = أصبح عذابٍ بالمعاليق شايع

كم واحدٍ قبلي جزوعٍ وبتاع = عصا ورده زايد الشوق طايع

تدلني عيوني. .وقلبي معك ضاع = من شوفتك كل الصبايا بشايع

تزود. .عن شبر المزايين بالباع = عقبك بنات البدو ماهي طمايع

لو شافك الشاعر. .ورد عد الأبداع = وصدر على بيض الورق بالروايع

من لا شرى مثلك مع الناس ماباع = ومن لا عشق مثلك. .يكب الربايع

يابارقٍ في مزنة الروح لماع = ودعتك عيوني وقلبي. . ودايع[/POEM]

وسلامتكم