(( .. حان السفر .. ))

السلام عليكم


اعزائي تحية عطرة

قصيده متواضعه .. عن السفر واختيار الرفقه .. اللي ما تعل الكبد ..

وهذا وقتها والله يوفقنا واياكم لكل خير ..

::::::::::::::::::::::::
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
حان السّـفــر والإجازه شـِبْه محسومه = للــدّيــره اللــّي تــحــدّد حــســب رغـبـاتـك

وتــفــارق الـقــيـظ يـا ذيبان وسمومه = وتــنـسـى المشاغل وتــنـسى كـل ضـيقـاتك

ودامــك نـويـت السّفر بعطيك معلومه = تــنـفـعـك طــول العـمـر فــي كــل سـفـراتك

خوّة خويّ ٍ تــســر و تـِـعـْجبْ علومه = يــنــصـحــك لأخطيت و يــرفى كـل خمـلاتك

لا قـلـت رجـال .. رجل و مالي هدومه = عــلــى الــنـّـقــا خــوّتــه يـصدق بهقـواتك

كـريم ســبلى ونــار الطـّيب مضرومه = وان شرت يمشي حـسب شورك ومشهـاتك

وان بــان وقت الشدايد بانت رسومه = يـضــيـق مــن ضـــيـقـك و يـفرح بفرحاتك

نـفسه عن المكر والسيّات محشومه = ويــبـعـد عـــن اللـــّي يعـلـــّك لأجـل راحاتك

حافــظ صلاته وحافظ حجه وصومه = هـــذا الـــذي تــذخـــره فــــي كـــل حـزاتك

وابعد عن اللي بوصفه كـنـّه البومه = اللــّي تـــبــاشــــر لــيــا مــن شاف زلاتك

وأدْنــاة زلـّه يـعــدّك اكــبر خصومه = ولا اخــطــيــت يــجـحد معاريفك ووقفاتك

ولأجل الــمصالح يبدّل طيّب سلومه = ويــفـرح بـحــزنــك ويـحــزن فـي مسرّاتك

نـفــسه ردّيه مــن الايمان محرومه = ولا يـعــيــنــك عــلــى وِرْدِكْ وطــاعــاتـك

والـيا زهـمته ابد ما تشيله عزومه = ويـِـســـِـمْ قـــلــبــك بــروحــاتـك وجـيّاتك

مسكين ما ينقل همومك ولا هـمومه = اشـلـون تــــرضــى بـمـثله عند رحلاتك

والــمدح ما كـــلّ رجل ٍ يقدر يرومه = يا كــــود رجــل ٍ يـِعـَجْـبـِك ْعند ضيقاتك[/POEM]


::::::::::::::::::::


وسلامتكم

اخوكم .. حسن بن علي الهاجري