( تمرة قدوع ) .!

سلامُ عليكم .,


[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خلاص ماعاد باقي من غرامك ., غرام=ولاعاد باقي من ْشموع المحبّه ., شموع
وصلت لك بإحترام ., وبتركك بإحترام=مدامي أقفيت .؟ لاترجي وراي الرّجوع .!
ياصاحبي ., والكرامه ترتبط بالكرام=عرفت قبلك وعقبك ., ماعرفت الخضوع
الحرّ ودّه يموت ., ولايعيش ويضام=والذيب يَكسبْ ولايِكسبْ وقلبه قطوع
مافاد فيك التشرّه ., والعتبْ ., والملام=يومك تذوّقني التّعذيب من كلّ نوع
أسرفت في ذبحتي ., وأنا علي بالحرام=لجل المحبّه .؟ أحدّ السيف وأدحم جموع .!
كنت أفعل إن قلت يوم الحبّ .؟ فعل وكلام=وأفزّ لامن زهمتْ وقلت ( تكفى ) وأفوع
قبلْ .؟ أنتظر شوفتك لو مرّه بكلّ عام=مثل إنتظار التلاميذ لنهار الرّبوع .!
واليوم .؟ ماعاد يدفعني عليك الهيام=شبعتْ من حبّك ., وخلّيتك ْتموت جوع .!
أبترككْ لسّهرْ واللّيل وحدكْ ., وأنام=وأبصبح ., وعاد عينك ساهره لطّلوع
وإن جيت طاريك .؟ بمرّه ., ( مرور الكرام )=لادقّ قلبي ., ولاهلّت عيوني دموع
حتى السّلام .؟ إحتمال أبخلْ ., بردّ السّلام=لاكان تسليمتك .؟ بين الشّهر والسّبوع
بفكّ ريقي وأبفطر عقب طول الصّيام=دمعتكْ .؟ فنجالي ., وفرقاك .؟ ( تمرة قدوع ) .![/poem]