شميت عاطرها وقبلت يدها

احبتي في الله

اليكم بعضا من المي

بعد ان عاد حلم الدجى

طيف العزيز الغالي

وماخفي اعظم واشد

-----------------------
[poem=font="Simplified Arabic,4,blue,bold,normal" bkcolor="transparent" bkimage="backgrounds/44.gif" border="inset,4,darkred" type=2 line=0 align=center use=ex num="0,black"]


ياليت ليل البارحة طال ياحمود=
=ولاعاد للنفس الشقية نكدها
ياليت من شفته على الأرض موجود=
=ليت الحلوم اوفت وصانت وعدها
البارحة يوم اغتشى ليلي أركود=
=بنت الكرام استرسلت مع ولدها
غطّى ملامح وجهها نور واسعود=
=وأنا غشتني فرحتي من سعدها
بشاير ٍ أهل الخير باعيونه السود=
=يفوح ريحان البهى من جسدها
من شوفها زاحت عن الخافق الهود=
=وشميت (ريحتها) وقبلت يدها
قلت إيه( يمه) بعدكم صرت مزهود=
=حالي من أفراقك تزايد زهدها
نايف بعد رحتي عنه ناحل العود=
=نفسه من أهمومه تردى جهدها
وأخس من حال الولد حالة العود=
=تنزل دموعة سبتك لو جحدها
حاله تردى وأصبح الحيل مهدود=
=عيني وعينه بات فيها سهدها
لكن تراها كلها اسهود وامهود=
=عودتك تقتل حسرتي في مهدها
وفزيت من نومي وناديت ياسعود=
=أمي هنا من شافها؟ من وجدها؟
قال استعذ بالله لاتصير مقرود=
=وزاد العنى في كلمة ٍ ماقصدها
مرحوم ٍ يازول ٍ غطى جسمه الحود=
=والرمل غطاها وغطى لحدها
عسى القبر ريضان وأزهار وورود=
=يبعد عن النفس الرضية لهدها
ياخالق الإنسان ياصاخر النود=
=ياموجد ٍ صم الحصى مع جلدها
بامرك يموت الحي ويخضّر العود=
=وتحصى نواميس الفضى مع عددها
ياغافر الزلات للغالية جود=
=النار بعد عن بشاير وقدها
واحالي اللي بعدها صار مضهود=
=هم ٍ جثى فيها وهم ٍ وردها
غلا العفيفة يدمي القلب ويزود=
=وعيني من أبكاها غشاها رمدها
دنياي بعده موجعه مابها فود=
=ماطاب لي ياحمود فايض رغدها
الله يعوضني عنه خير ياحمود=
=ويلطف بحال ٍ ذابلة من بعدها

ا[/poem]

اتأمل ممن قرأ النص ان يجود بالدعاء للفقيدة وله الاجر من الله .