) بعد طول غياب .. حبيب العازمي × تركي الميزاني (

السلام عليكم ورحمة الله وبركاته

اقيمت يوم الخميس الماضي حفله بمناسبة زواج الشيخ سعود بن جدي بن زريبه بحفر كشب وجمعة الشاعر حبيب العازمي وتركي 2000 وحود السمي ويوسف الجذع

كما اقيمت امسيه شعريه نعتذر لعدم ذكر اسمائهم لانها لاتحضرني

وكان الحظور فوق الممتاز

واليكم مقتطفا ت من الحفله

كانت البدايه للشاعر
يوسف الجذع
يامرحبا بسم الشيوخ اللي لهم شانن كبير **** شيوخنا الزربان في تالي الزمان وفاوله
ياتركي اللفين بشرني عن اصحابي مطير **** قالو مطير العام جاين في بلدهم مشكله

تركي 2000
دام البقا ياللي ترحب من هواجيس الظمير **** وانتم وحنا كل رجلن له مكان ومنزله
الى اخر الطاروق
________________________

حمود السمي
سلام الله سلام المسلم اللي دينه الاسلام **** وروس المسلمين وراية الاسلام مرفوعه
يقولون العرب لو بوش يذبح ماحيا صدام **** ولو صدام يحيا مات بوش ومعه مجموعه

حبيب العازمي
هلا يامرحبا والدين واحد والكرام كرام **** وكلن فالوطن يرضيه من شكله ومن نوعه
الا يهل تربه وش شانكم فسياسه الحكام **** ياهل ناقه واهل نعجه واهل نخله ومزروعه

الى اخر الطاروق

________________________________________

حبيب
مرحبا في دار شيخن شيخته من راس جده **** شيخته من راس رداد البراء والكل داري
والكلام اللي على الخاطر لي اقمنا نعده **** مثل حد السيف مابين العتيبي والمطاري

تركي
البقا ياللي ترحب في محل اهل الاشده **** من ظميرٍ طاريله تالي الايام طاري
غايبلي عن حبيب ياوجيه الخير مده **** ودي اسولف معه والسوق له بايع وشاري


الى اخره

____________________________________________

يوسف الجذع
اسمحولي دقايق ودي انشد حمود **** ابقمين نصحته مره وعادها
نسي كل العلوم اللي عليها العهود **** مار جتنيبه الفرصه وميعادها

حمود
لاظلمت الرجال ولاطمرت الحدود **** وانتِ سولف على الدله وبردها
كان يوسف تسمع في علوم الحسود **** مابلش الناس غير علوم حسادها


____________________________________

تركي
سلام تسليم ماله حد وقياس **** لصحابي اللي لهم واجب عليه
الوضع ياشعر العتبان حساس **** غير القضيه تبا تحصل قضيه

حبيب
يامرحبا في محل الشيخ والراس **** باصحابي اللي لهم واجب وليه
قضيتك يالمطاري تكفي الناس **** كتفت راعيك واهملت الرعيه

الى اخر الطاروق

__________________________

المواويل

حمود السمي
تجمعنا على عز وشرف في حفلت الابطال **** وهذي ليلةٍ بين الليالِ من راس المال
تذكرها هوات الشعر بين الحل والترحال **** يقولون المواقف ماحماها غير راعيها

ليلةٍ تجمع حبيب وتركي جميع **** فارقه ماتشابه ليلةٍ غيرها
والملاعب تجي فالصيف ولا الربيع **** كل ليله تدورها جماهيرها


حبيب العازمي
تجمعنا على عز وشرف فضيافة الزربان **** من العتبان والمطران والسميان والي كان
من ايات كاينن كانو حظر من باقي العربان **** يقولون المواقف ماحماها غير راعيها

ياحمود انتبه بعض الليالي تضيع **** والعقول السليمه حسب تفكيرها
الذيابه تراها باديه كل ريع **** ياعسى شرها يبقى بعد خيرها

____________________________________

تركي 2000
ارتاح ياحبيب معي علم لحمود **** ولاشك لي فالعلم غايه ومقصود
وحمود فالماقف حاظر وموجود **** ان لم تكن ذيبن كلتك الذيابه

ياحمود بن عايض طرا في خاطري علمٍ جديد **** ان كان تحسب للعلوم حساب والساري سرا
جابت ولد بنت الهلالي لاكن سموه الوحيد **** يصك باب وينفتح باب والساري سرا

_______________________________

حمود السمي
ياتركي اللفين عقب المغيبه **** هات الخبر واللي تجيبه تجيبه
حمود ماتصعب عليه الصعيبه **** ان لم تكن ذيبن كلتك الذيابه

هات السوالف كلها والله يدبر مايريد **** وانته تراك الغايب اللي غاب والساري سرا
اما تزيد عيالها ولا عساها ماتزيد **** مابارت الصحبه مع الاصحاب والساري سرا

___________________________________________

حبيب العازمي
سرا الليل والمعنى هبايب هبا هبا **** سار الليل والشيطان عنا هباهبا
وان اعرف صفين الشرق هجرة هباهبا **** عسى الله يعزك يالديار السعوديه

ولاياليل وين الشاعر اللي ضيع المليون **** ومهما ضيع المليون اللفين موجوده
وان ماقول تركي يوم سافر ماحصله لون **** ولاكن العلم مابغى هل الدوحه يشيلونه

تركي 2000
اشوف البحر هايج ورست بواخره **** يجيب اوله للسيف ويجبواخره
الا ياهل العود اشعلو بواخره **** عسى الله يعزك يالديار السعوديه

ولا يالعازمي لاصرت محتاج وعليك ديون **** لياقدمت معروضك سوات نخلص ديونه
اخذت اللي كتب الله وبعض الناس جاء مغبون**** يسمونه وانا ياقوم مدري وش يسمونه





اعذرونا على التقصير والتاخير


وانشالله راح ننزل صور من الحفله و شريط الحفله كامل بالصوت والصوره


خلال هاليومين


وشكرا لكم