المخطـيـه ماتمشّيـهـا مذاهبـنـا

المشاركة الأصلية كتبت بواسطة سعد بن مناحي بن شفلوت

تحيـه طيبـه للجمـيـع

قصيده متواضعه للتواصل

اتمنى ان تنال الرضـى



‘‘ ‘‘ ‘‘ ‘‘ ‘‘ ‘‘

[POEM="font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياهاجسي كان كيفـك مابعـد فاحـي=نحّـر دلالـك وشرّقـنـا وغرّبـنـا

جمر الحشا يصطلي والكيف منساحي=ودرب ٍ يبـعّـد مـدانـا لايقرّبـنـا

انا اتهقـوا مجيّـي قبـل مرواحـي=والراس والساس والقرطاس يجذبنـا

ياهاجسي كان برق المخطيه لاحـي=المخطـيـه ماتمشّيـهـا مذاهبـنـا

حنّا جبال ٍ رست ماهيـب تنزاحـي=وحنّـا صقـور ٍ تعشّينـا مخالبـنـا

لو الغلا يجمع المجنـون والصاحـي=كـان المواثيـق لاتُهـدم ولاتبـنـا

البيّنه في حـراي وجاتـك طياحـي=وانتـه وانـا ياعسـى الله مايعاقبنـا

قامت تدك الخساير سوق الارباحـي=وقامت تسـاوي خسايرنـا مكاسبنـا

وان عوّدت في مكاسب طيب وأمداحي=لاهاب ولد الـردي والـلاش ماهبنـا

وكان الجميلـه لهـا تبّـاع ومتاحـي=اللـي مايـدرا خطانـا لايعاتبـنـا

رحنا ضحيّة هوى عاقـل ومزّاحـي=اخفى غلانـا بصـدره ليـن لعببنـا

ياللي تحسب ان رصيد الطيب ماباحي=حنّا اكتشفنـا رصيـده بعـد ماغبنـا

ماتدري ان الورق لاجـا ولاراحـي=وليـا اعتزينـا ماهمّتنـا رواتبـنـا

ياقرب مسراح ذاك وبعـد مسراحـي=لكن كثـر صمتنـا يجحـد متاعبنـا

أصبر وأجامل ولومانـي بمرتاحـي=ولانبـدّي عشمنـا قـبـل واجبـنـا

والخوف مايدهمه ضيقات وصياحـي=والاولـه علّمتنـا غـيـر ماتبـنـا

والطيب ماينقصـه كاتـب ولاماحـي=شيمة لحانـا تحـت هيبـة شواربنـا
[/POEM]

‘‘ ‘‘ ‘‘ ‘‘ ‘‘ ‘‘


سعد ابن شفلوت

ارحب يا ابو مناحي

صح لسانك ولا عثر حصانك وعلى الأخرى عانك

قصيدك يا ابومناحي كله درر وانت تملك المفتاح السحري لصوغ القصيده كما يصاغ الذهب .

ولو ان شهادتي فيك مجروحه لاكن لا بد من قول الحقيقه .

بيض الله وجهك على هذه الرائعه وعلى ما سبقها من روائع وعلى ما هو آت من روائع .

تقبل مروري وإعجابي وخالص الود

أخوك /