الغيااااب

الاخوه الكرام بمرقاب ابو زيد


السلام عليكم ورحمة الله وبركاته

عذرا على الغيبه الجبيره

وعدة ابيات اضعها امام انظاركم لعلها تنال القيل من اعجابكم


[POEM="font="Simplified Arabic,5,white,normal,normal" bkcolor="transparent" bkimage="./images/backgrounds/10.gif" border="double,4,gray" type=2 line=0 align=center use=ex num="0,black""]الصاحب اللي عن عيوني غاب مدري ليه غاب = الغايه انه غاب غيبه ماعرفت اسبابها
مدري غيابه من جفا والا زعل والا عتاب = والا نوى ينسى صداقتنا ويقفل بابها
ليته يبوح ونعتذر والا يحاسبنا حساب = الصحبه اللي طيبه لازم نحسب احسابها
اليا انقفل باب الغلا فتحت له مليوون باب = واسرجت له خيل الرضى حتى العذول ايهابها
وان خاب ضنه في انا مايوم ضني فيه خاب = هذا ترى سلم القلوب اللي تعز احبابها
اخيل زوله مثل بدون خالة اصدوق السحاب = لاكشرت عوج السنين الجايره بنيابها
واشتاق له شوق ابدوين شاقته عوج الرقاب = ضاعة حياته كلها والمرجله ماجابها
حظه رمابه في يدين الفقر لين الراس شاب = واضفت عليه اسنينه اللي خانته جلبابها
واشتاق له شوق الندى للورد فحساس الضباب = لاعانق الورد الندى من فرحته هلابها
انا اشهد ان الحب بلوى والفراق اكبر عذاب = والوصل جنه تستلذ بخوخها واعنابها
واللي عشق له مهرتن تنقش على الكف الخضاب = اما يبا يسعد بها والا يبا يشقابها
اليا عطته الوصل والاخلاص والترحيب ذاب = حتى البلاد اللي ربتها ينتحر بترابها
وان خاته قال الخيانه طبع تلعات الرقاب = ياليت حضن جابها في سكتي ماجابها
هاذي حيات العاشقين اما هنا والا خراب = حتى قصصهم كل شاعر فالبلد غنابها
وانا رمابي حظي العاثر بغرون مايهاب =حتى الليالي داربي من سبته دولابها
غرون يحسب ان الغلا والشوق صفحات الكتاب = لاضاقت الدنيا بوجهه وانجبر يقرابها
اليا ذكرني زارني وان غاب طول فالغياب = وانا اشهد انه غاب غيبه ماعرفت اسبابها[/POEM]