حدود مملكة خرخير

الاخوه والاخوات في المرقاب الخلاب

الشاعر د. حمد العصيمي شاعر وأستاذ وعزيز اتعمد الأحتكاك به قدر الأمكان لأستفيد منه. وحدث ان قرأت له ذات مره قصيده تلفت الانتباه عنوانها "حديث مع صديقي عمير", وستوقفتني فيها عدة ابيات من ضمنها ..

وش اللي مزعلك يا عمير والدنيا ظلال عصيـر
تميل وميلة ظـلال العصـاري مـن يعدلهـا؟!!
"
حكايتنـا مـن التاريـخ والـقـران والتفسـيـر
وعقـل الشاعـر اللـي حلـل افكـارك وحللها
"
ما ابيك تقول ( قالت جدتي عن جدها)0 يا عمير!!
انـا وش لـي بغلطـة جدتـك حتـى اتحملهـا
"
واذا يا عمير راسك داخ واعيـا مخـك التفكيـر
اخـذ منـي سيجارةوالعبـارة صـح واشعلـهـا
انا بشرح لك القصة مـا بيـن الحـق والتزويـر
وابسطهـا علـى قـدك واوضحهـا وافصلـهـا
لكن اوقف على راسك ودخـن وافهـم التعبيـر
ترى التاريخ واقف فـوق راسـه وانـت كملهـا
سبأ في سورة النمل وسليمـان وحديـث الطيـر
ماهي دولة سبـأ مـارب وصـح لسـان قايلهـا
وذلحين احـذف الكرسـي وراك ولا تأخرطيـر
على خف وجناح ( ازعل مـن الدنيـا وزعلهـا)






فما وجدت نفسي الا وقد كتبت هذه الطلاسم





[FRAME="9 80"][POEM="font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]حكايه عمرها عصر العدم وبداية التكوير=قديمه يوم كانت غاز والهليوم يمثلها
فلا ماءٌ ولا زرعٌ ولا تينٌ ولا جرجير=تبيهم هات زندك يا صديق العمر وازهلها
حراره ثم شراره في عوامل ضغط ثم تفجير=بيوم إنّا جعلنا للزمن قدره يشكلها
قبل يضنى الأسد والثور والعقرب تعرف تطير=قبل يطلع شنب للجدي والعذرا يغازلها
بديناها بخمس نجوم والساري يلاقي خير=بنيناها وقامت عظم ما نقدر نكنسلها
وعسى بين التطور والترقي ما يجي تأخير=قوانين البشر بعدين يمدينا نعدلها
إذا الانسان في عمر الطفوله ما يعد صغير=تحرّص منه لا يرجع لبطن امه يبهذلها
حدا الحادي لحن نادي طلايع حملة التنصير=وتمت ما عرفنا اللي كتبها من مطبلها
ولو جينا و فسرنا حديث البتريارك صفير=لقينا اللي صمد في الشام ولعها و شعللها
إرم ذات العماد وشرهة الرفلا على المعصير=وش اللي حدها تبنيه واطنابه تطولها
أنا اللي من سبأ جبت النبأ عن مملكة خرخير=ووديتك لاماكن يا صديقي كنت تجهلها
وانا اللي قلت للتاريخ وقف يوم مات الزير=وانا اللي كنت واقف معه قبل امرئ يكملها
وعلقت الحدايق في جبل سومر وخشم النير=وجاها واحدٍ شرواك يتفلسف ونزلها
وانا اللي قلت لنيوتن يحط لثابته تشفير=وابن فرناس قلت بلحيته والله لياكلها
تثبت يا صديقي واطلب الفتوى من ابن زعير=هذا وان قال صعبه هات علماني يحللها
[/POEM][/FRAME]