والد محمد الدرّه

اخواني اعضاء المرقاب وزواره

قصيده قلتها على لسان والد محمد الدره رحمه الله حين مقتله
وضعتها في مرقاب القدس ولم اجدها اللا اليوم في موضوع للرائع شامخ الشامخ

فأحببت ان اعيد عرضها عليكم

[POEM="font="Simplified Arabic,5,black,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]
يالله يـــارب الــمــلا يالله=يامن سجد مـن يعبـده لرضـاه
افـرج لمـن مثلـي بلتـه الدنيـا=وقته علـى مـالا يطيـق اركـاه
وقته فتـل قيـده وقصـر قيـده=ومسّه ومن تحت الزنـود ارخـاه
ان جا يبـا الممشـا القيـود اتلـه=ماطـاه مربـوطٍ علـى ماطـاه
ون جا يبا الهوشه فلا لـه حيلـه=مربوطـةٍ يمنـاه فـي يـسـراه
كل الحقـوق الواجبـه قـام ابهـا=من خـوف هـراج القفـا يقفـاه
من خوف هرج اللي مايقرب هوشه=خبلٍ مايقـرب غيرمـن مركـاه
سقـت الولـد للمعركـه قـدامـي=ماقلـت ياويلـي عنـه ويــلاه
لين الرصاص الخلج طار بروحـه=يالله عسانـي فالجـنـان الـقـاه
الـد عينـي فالعـرب وانخاهـم=وصوتي مامنهم واحـدٍ مااوحـاه
لكـن دخلهـم شـي ماهـو ذلّـه=صمتٍ طويـلٍ ماعـرف معنـاه
ياحـيـف يالطـامـة العيـالـه=صرتوا كما الصفريـه ام غطـاه
يلحفكـم الهـرج الخفيـف لحافـه=وعقب السيوف اخذتـوا المحـلاه
الله ينصرنـي وانـا ابـو محمـد=محمـد الـدره مهـوب ســواه
الله ينصرنـي وينصـر شعبـي=والـلا العـرب ياطيبهـم طيبـاه
وختامهـا ياميـر ياابـو متعـب=تـال الزمـن ياقدسنـا قـدسـاه
عـبـدالله وحـنـا عـبـيـد ٍٍ لله=نسل الملوك اهـل الوفـا والجـاه
الحبـل متعقـد وحلـه عـنـدك=واللـي يصيـر اكيـد ماترضـاه
حنا جنودك كلنـا تحـت امـرك=ودك تخوض ابنا البحر خضنـاه
راياتنا بامـر الولـي منصـوره=وعلـم الوفـا مـن قدمـه يلقـاه
والطيـب اللـي يفتخـر بجـدوده=ماتنربـط يمنـا فــي يـسـراه
[/POEM]

محمد الدهيمي