*** ((المراجــل))***

[align=center]قصيده اتمنى ان تعجبكم ولكم مني فائق الاحترام والتقدير[/align]


[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
بسم الله ابدا وابتـدي فـي قصيـدي = واكتب جزيل الشعر والقاف عنوان

الـقـاف دمــي والقصـايـد وريــدي = كــل المعـانـي مـثـل دمٍ بـشـريـان

هــذا زمــانٍ فـيـه وقــتٍ شـديــدي = فيها بشـر مـا بيـن راوي وضميـان

احـــدٍ تـحـطـه للـشـدايـد عـضـيـدي = يا قف مواقيـف المراجـل كحيـلان

رجــلٍ لعـسـرات الليـالـي عـنـيـدي = فـي نخوتـه فـزّاع للطيـب كسبـان

قلبـه يشابـه فـي صفـاه الجلـيـدي = والصـدق قولـه لانطـق فيـه بلـسـان

ما فيـه نـوع الكبـر طبعـه زهيـدي = راعـي كـرم يذبـح سميـنٍ لضيفـان

ياصل قريب الرحم لـو هـو بعيـدي = صاحـب وفـا للجـار ماهـو بخـوان

وحـدٍ غشيـم وفـيـه جـهـل وبلـيـدي = وسط المجالس هرجته دوم نقصان

ان قلت هات العلـم مـا مـن مفيـدي = ياكـل لحـوم النـاس غيبـه وبهتـان

الكـذب طبعـه مـا يجيـب الجـديـدي = من رافقه فالدرب ضايع وخسـران

ينـسـى جميـلـك ناويـلـك مكـيـدي = لو تحسـن النيّـه غـدر بـك ولا صـان

خلـك علـى درب المراجـل مجيـدي = واطلع مراقيب الكرم عبر الأزمـان

وانصـت لمـن يفهـم وعلمـه يفـيـدي = واترك هزيل الهرج لوكان ماكـان

اقولهـا يــا صاحـبـي ثــم اعـيـدي = احـفـظ لسـانـك دام للـهـرج مـيـزان

وصلـوا علـى اللـي قـدوةٍ للعبيـدي = نبينا المبـعـوث مــن نـسـل عـدنـان[/poem]