بيض العمايم

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=200% align=right use=ex length=0 char="" num="0,black" filter=""]
الشعر ملجا الهجوس و زفرة الحدب و شهدها"="و المعاني فكر و الصوره ثقافه فلسفيه

و الشعر كيف المجالس و المشاكيل و سعدها"="لاستوت دلّة مبهّرها تطيب الشاذليه

و القصايد ما يجملها بحرها مع عددها"="القصايد حبك مع سبك الحروف الابجديه

ترضخ لميزان سامعها و عرضة من نقدها"="تعكس الصوره لشاعرها و صورة داخليّه

فالقصايد به قصيده شامخه تمشي وحدها"="و بالقصايد (سيف فصل) و بالقصادي نرجسيه

و بالقصايد سم ذايح عزّتي للي قصدها"="و بالقصايد ريح مسك و بالقصايد مخمليه


يا الهي خالق السبعه و سبع ابلا عمدها"="لك سجدت بسبعة الاعضا و روحي لك رضيه

طالبك نفسي تمشيها على سكة رشدها"="لا تعرضها الدروب المظلمات المهميه

طالبك كف السمينه لين اصافحها بيدها"="و الله اني لاكوي الشارب ولا تقصر يديّه

طالبك بيض النوايا كان جتني في وعدها"="و ابعد اللهم عني كل نيه عقربيه


يا قصيدي يا قصيدي وان نخيتك وش بعدها"="ثوّر المعنى براكين الغضب شر و منيه

لين يرضخ للقصايد من فتلها ثم عقدها"="فوق راسه جعل راسه فدوة اقدامي هاذيّه

يحسب اني لن سكت الاوله مرخي عمدها"="ما درى اني عابيٍ له سم ساعه صيرميه

هيه يا مدوّر علينا حاجةٍ جا ما وجدها"="و ابك انا ماني بمثلك اتبع السيه بسيّه

طيعني و ارقد بحضن اللي تعلك من نهدها"="مالك و مال الرجال معاندين الجاذبيه

طيعني ترى الشكاله و الوفا للي عبدها"="مالك ابها لا نصيب ولا حضور و قابليه

عزوتي بيض العمايم فاللقا يرعد رعدها"="لـ اصهلت دهم الاصايل ما تهاب من المنيه

ربعوا و استربعوا وسط الجزيره في سهدها"="من حجاز العز حتى تاصل ال نجد العذيه

عزوتي بيض الوجيه مزبّنين اللي قصدها"="محتمين الجار و الجيره, تشوم عن الرديه

عزوتي لابة عتيبه عزّتي وانا ولدها"=" لابةٍ يشهد لها التاريخ وقت الجاهليه

و آخرتها لا اله الا الله حرز لمن شهدها"="قولها, واشهد بان محمد الهادي نبيه
[/poet]


تحياتي لكم

اخوكم

شفق السريع