&&& برقـــا وروق &&&

.

في موقع ملتقى الهيلا عتيبة و في مخيم ال مسلط بن ربيعان
كان لي شرف المشاركة على شرف صاحب السمو الامير عبدالمجيد بن سعود بن محمد ال سعود والشيخ بدر بن بندر بن عقاب بن ربيعان والشيخ محسن بن محمد بن محسن بن لؤي الشريف وعدد من شيوخ قبائل عتيبه

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام ياروس المفاخر واللوازم والوجوب = يالعزوة اللي في سما الأمجاد لايح نورها
سلام ياتاريخ ماغيبك وقت ولا خطوب = ماضي وحاضر في الملاحم والكتب وسطورها
سلام يالبيد ومواطي جيش راهين الضروب = نهار ثار الملح ماعطت في الجناب ظهورها
سلام ياسيف الشطير وما غشاك من الخضوب = بيدين خطلان اليدين اللي مثبت دورها
سلام يالعلم ومعاقيله مفاتيح الدروب= في الدين والدنيا محفظها على منشورها
سلام من صدر الحجاز الراسي الرمز النصوب= من القرى وحصونها ومن المدن وقصورها
عني وعن ربعي ثبيت اقلط وانا شاعر وانوب = سلام للحيين وأموات الفخر في قبورها
لا قالو الهيلا تفز قلوب وتنوخ قلوب = هيبة من الله حطها في غيابها وحضورها
برقا وروق أذكارهم تجري مع أنسام الهبوب= على النقا والبيض مكسبها على مذخورها
ذباحة الحايل مناهل جود ماكر كل نوب = الهيل والبن اليماني عطرها في دورها
صغيرهم قبل الكبير بكل ميقاف محسوب = هاذي مباديهم هل القالة وذا مقرورها
واليوم سجل ياقلم وأحفظ ياراوي مايجوب = في مزاين عتابه وما تحييه من ماثورها
لم الشمل ومخاطب الاجيال وابليس محجوب= عن نظرة هذا هدفها والسمو منظورها
تحت لوا التوحيد شمس الجهل هفت للغروب = وانزاحت الظلمة ونور الله جلا ديجورها
في عهد من لم الشتات ووحده من كل صوب=عبدالعزيز موحد الدولة وباني صورها
واليوم والشعب السعودي فرق عن كل الشعوب= في حكم ابو متعب بلاد العز ساطع نورها
سلام من شرقك وغربك من شمالك والجنوب = يادولة المجد التليد وشعبها وصقورها [/poem]

.