قيصرة روما

[poet font="Simplified Arabic,4,black,normal,normal" bkcolor="transparent" bkimage="backgrounds/10.gif" border="none,4,gray" type=0 line=200% align=center use=ex length=0 char="" num="0,black" filter=""]
اليكم هذا الاهداء عسي ان يرتقي لاذواقكم

ياعيون(ن) كنّها الليل بالرمش الظليل= لاطرتلي 0 لجّ قلبي بكثر الهجرسه

وان تثنّا ناحل الخصر بالخصر النحيل=قلت من زين التواصيف 00 يالله احرسه

اه ياظيم التّهزاع بالثوب الطويل= واه ياشلفا الزناتي بنجله واخرسه

يالغرور لياانكسر جانبه 0 واصبح ذليل= مانلومه لو يجرررّه بتيه وغطرسه

فيه فتنة منكر(ن) مير ماانكره الجميل= منكر معروف في 0 ناعمه مستفرسه

في عيونه فارس(ن) لوّ ماعالو يعيل= فاجر(ن) ماكنّه الا والاهداب احرسه

ياسواد عيون سلمي وانا جيتك دخيل = اغفري ذنب ابدوي(ن) كسب ذنب فرسه

للوفا 0 بك جود حاتم 00 ونزوات البخيل=وللجفا0 بك راهب(ن) كافر(ن) دق اجرسه

قيصرة روما لو اتشوف جيد ام الجديل= اعذرت في صموئيله وعافت بطرسه

وكسروانة فارس اللّي معاجمها تهيل= ضيّعت تاريخ فارس بلاد الفهرسه

كليوبترا0 لو لقتها يروح النيل (نيل)= الّّهوها الهه لخناتون وبيبرسه

ياحدايق بابل اللّي علي الخد الاسيل= حمورابي 0 مرحبا والبقا 0 ياحورسه

التمسنا عذر هابيل من دم القتيل= لعنبو جد الجمال الطفه في اشرسه

الجمال اليوسفي 0 والجمال المستحيل= درّسه ياناحل الخصر غيرك 0 درّسه

كان جو بمسابقة (كل ذي وجه(ن) جميل)= علميهم كيف يعني تكون المدرسه

دونك اللّي يذبح الحيل لو كانه محيل= ماشقا بنخيل وادي الرخامه واغرسه
[/poet]