,,,,, (( الـوثـيـقــــة )) ,,,,,

اخواني واخواتي الغاااااالين
( اعضاء وزوار شبكة المرقاب الادبية )
اضع لكم هذه القصيدة المتواضعة امل ان تنال ولو على جزء من اعجابكم ,,
وترتقي إلى مستوى ذائقتكم الرااااااقية

[align=center] ( القصيدة بالصوت )
[rams]http://sm1sm1.com/up/uploads/alwtheigh.rm[/rams]
رابط الحفظ[/align]
[poem=font="Simplified Arabic,5,darkblue,bold,normal" bkcolor="transparent" bkimage="" border="ridge,4,indigo" type=2 line=0 align=center use=ex num="0,black"]
بسم الاله الخالق الرحماني=الواحد اللي علم الانساني
امعلم الانسان مالم يعلم=ومجري الرياح ومنشي الامزاني
ومن بعد ذكرالله زان المعنى=وزان القصيد وزانت الاوزاني
وسجلت جزل القاف في مضمونه=من نسج لفكاري ونطق لساني
ودونت بحروفه لمن يقراها=وثيقة ٍ تبقى مع الازماني
تبقى مع الاجيال تتناقلها=وتعلم الاقصين ويا الداني
اتعلم اللي جاهل بشاعرها=اسمه وعن ساسه من الجداني
عوض سفير واسم جدي ناشي=وناشي ولد قابل بن سليماني
ولد زهار وجدنا هو زاير=ابن جعيد وعزوتي عتباني
وجعيد إبن علي وابوه طويفح=ولد نفيع إبن فلاح بن شملاني
وشملان إبن زياد وابوه كتيم=بن كعب إبن بطيان من سيساني
إبن سعد بن كعب ولد عتيب=إبن هوازن عكرمه عيلاني
وعيلان إبن مضر وسجل بعده=إبن مُعد وابو مُعد عدناني
وجعيد يحويله احدعشر خامس=احدى عشر وديارهم شقصاني
أهلي وربعي وافخر ابطاريهم=لابه تشرف عزوتي شجعاني
شجعان في وقت اللقاء تلقانا=نرد المنايا سم للعدواني
فرسان من فضل الولي خالقنا=وأعوذ به تغريرة الشيطاني
رجالنا ينطح ميه ماهمه=من ندنا في ساحة الميداني
وأهل كرم في حلالنا للافي=ونعرف حقوق الجار ويا العاني
وان صحت بدنانا يجيك أقصانا=مزن ٍ مسيل راعده دناني
تاريخنا يشهد وخلقه تشهد=ولا خير في قول ٍ بلا برهاني
درع الوطن حنا سند قايدنا=لاجل ترابه نرخص الاثماني
ولامر المليك إبن سعود القائد=نمشي لما يرضي رفيع الشاني
سند حكومتنا حمى دولتنا=ونرد كيد المعتدي والجاني
ولا احب اطولها على قاريها=ماقلت يكفي تُعرف الشيخاني
وصلاة ربي خيرماختم قولي=على النبي الهاشمي العدناني
[/poem]

اخوكم / عنيدأأأأأأأألشْعِر