هذي قصيدة رثاء في شيخ قبيلة عتيبه الامير /سلطان بن جهجاه رحمه الله 000

واقول فيها 000 مع انها متاخره بعض الشي في نشر هذه القصيده


دق الجهاز وشلت سماعة التيل 0000 وقال المعزي مات شيخ القبيله

وقفت من هول الخبر مامعي حيل 0000 وجلست مالي في قضاء الرب حيله

وصلوا عليه اللي لفونا مقابيل 0000 ماقالوا الخطوه علينا طويله

وعقب الصلاه الناس لجو بتهليل 0000 وحطوه في قبر(ن) تهايل نثيله

وعقب ادفنوه الناس قفوا مغاليل 0000 وعودت في كبدي سوات المليله

مرحوم ياشيخ(ن) فقدناه بالحيل 0000 حمل العرب لاضامهم يرتكي له

له ماقف(ن) معروف لاقام حلحيل 0000 لاجات من خطوى المعادين عيله

لاجاء حزم كلاب والموقف مهيل 0000 والخصم كبر له دعاون مهيله

اليا حضر يبدي كما يبدي سهيل 0000 ويحل عمسات الامور بوسيله

وطال الجدال وصار فالوضع تحليل 0000 والخصم باه وقام وشتال شيله

الشعر يضعف في مزاياه لاقيل 0000 جزل القوافي فيه ترجع هزيله

وفيصل نعده من خيار الرياجيل 0000 واخوانه اللي فالمواقف ثقيله

ويبقون ذخر(ن) فالليالي المقابيل 0000 ولامات من خلف مكانه بديله

وبقصر الموضوع من دون تطويل 0000 وصلوا على اللي مسجده ينعني له



وسلا11111متكم !!!!!!!!!!!!!!!!!!!!