لدّ لي بعيونك اللي غربلوني

.

بدون مقدمات

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ليه تجرحني وأنا تنـزف طعوني=أبك والله ما بقى عندي مناعه
وليه تغتال الهوى لحظة سكوني=وليه تقتل حب في سن الرضاعه
وليه تدفن في ثرى صدك شجوني=انتظر باقي ترى فالعمر ساعه
كنت اظنك ما تطيق العيش دوني=لا ولا تملك على بعدي شجاعه
كنت اظن وللأسف خابت ظنوني=وابحر المركب قبل فلة شراعه
كان حبي لك وعشقي لك جنوني=وأنت حبك لي وعشقك لي دلاعه
أزهرت من حبك النابع غصوني=ما تصنعت الغلا مثلك صناعه
جند حبك غارت ودكت حصوني=واستكان القلب واستسلم دفاعه
عاتبوني فيك ربعي عاتبوني=قلت كفو عن عتابي يا جماعه
منجرف كلي معه لا تعذلوني=مقتنع ولا ادري وش سر القناعه
لا خزرني فالنواعس خدروني=وان هرج لديت واحسنت استماعه
لو تهون الروح حبه ما يهوني=الهوى يا عاذلي ما هو بضاعه
مير خلوني وشاني واتركوني=هرجكم تلفيق والمصدر إشاعه
كنت ما اسمع حكيهم لو ناصحوني=باعتبار القرم ما تلوى ذراعه
لين ما نجلك على عمري بلوني=وابتدى قلبي معك رحلة ضياعه
أنت يا اعذب من تغنّاي بلحوني=وأنت يا متقن أساليب المياعه
لدّ لي بعيونك اللي غربلوني=وارفع إعن المبسم الوردي قناعه
ضايعٍ خلقه ونجلك ضيعوني=نعنبوهن ضيعن قبلي جماعه[/poem]

وســـــــــلامتــكم،،،،
.