الـــعـــلـــوم الـــطـــيــبــــه

مساكم الله بالخير


مشاركه لتواصل واتمنى ان تنال اعجابكم


[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

ياقلم سجل على البوك لاطاب المزاج = لااحتمى بدع القوافي وهبت نودها

واستهلن القرايح وبحر الشعر هاج = والهجوس امطر سماها وجابت جودها

والنظر في طرقة اهل الوفا والعرف باج = والعلوم الطيبه لرجال انزودها


سلعة ٍ ماترفع السوق مافيها خراج = والتجر قامت تباها بعد انقودها

اشهد ان خوة هل الطيب فوق الراس تاج = فرق مابين الثعالب وبين ايسودها


والجروح اللي بقلبي تعذرها العلاج = والسبب ناس ٍ عسى الله يقلل فودها


للمجاس عندهم كنها ساحة حراج = لعنبوها عالم ٍ ماتقدر عودها

والزمان ايذل الاحرار وايعز الدجاج = والعرب معاد تعرف مقر احدودها

واحد ٍ ماسج رجله مع الدنيا وداج = مايميز في جملها ولا مفرودها


والجبال الراسيه مايحركها العجاج = والليالي بيضها تختلف عن سودها


والمراجل مالها بيع في سوق الحراج = المراجل وهبة العبد من معبودها


مايطول النايفه كود طلقين الحجاج = والرخوم ارخوم محد ٍ يعد اوجودها



وسلامتكم


اخوكم 0 بطي الاكلبي[/poem]