تعــال وخـذ بثـارك !!

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بلاه القلب ينسى والزمن ماينصف العشاق= وترى الاحباب تعذر بعضها وتخاف وتداري

ادور لك عْذر وأغفـَل عن اخطـائـك على الاطـلاق= وتــدور لي خطأ وتضيّق بي وتشك بـ اعذاري


يـا اقـرب من عيوني للنظر ! والرمش للأحداق ! = ويـا اقرب من خفوقي للعروق ! ودمها الجاري


تعبت .. اقول أحبـك وانت لاتعشق ولا تشتاق !! = وتعبت اشكي بعادك وانت تركض داخل اسواري!


ولا احلى منك واغلى منك وادفأ منك فـ الاعماق! = ولا اذكى منك ! وادهى منك وانت تشتت افكاري!


ذكرتك ليلة البارح .. وجفني من منامه فـاق = وتمنيتك تحس بلوعتي لا ضاعت اشواري


شكيت مفارقك ياسمي الذباح والترياق !!= ذبل في مهجتي كل الخضاار ! وجفت انهاري !



اعرْف انك : شقـاي ولوعتـي ولفرحتي سراق= ولكني عشقتـك وانت تطلب فالغلا ثاري !


تـعــال وخْـذ بثـارك صـرت لطعون الغلا تـواق = فديت يمينك اللي جرحـها ما قـل مقداري

ما احد قبلي : يحن لقـاتله ويبادله (لا شواق)= ولا مثـلي محب في طعـون احبابه يمــاري !!


ولا تحسبني بـ ادور عذر لاضاقت بي الافاق = اسلّم لله امري واحتسب واصبر على اقداري


هذا حــالي ولا تشره عـلي لو شفت صدري ضـاق = انا صاحبك لو تاهت خُطــاي وطال مشواري



[/poem]


مجلة وضوح العدد الاخير شهر نوفمبر 2007