بدون عنوان ........

أخواني وأخواتي أعضاء ومشرفين منتدى المرقاب الشامخ أسعد الله جميع أوقاتكم بكل خير ...


يسرني أن أضع بين أيديكم هذه القصيده المتواضعه التي القيتها في أفتتاح ملتقى قبيلة عتيبة ( الهيلا ) ...

أتمنى أن ترتقي لمستوى ذائقتكم المميزه .....



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
القلب بعض احيان لويقدر يطيرمع الطيور=لكن بلاه من الظلوع اللي مقفل بابها
يضيق لاضاقت عليه ظلوع صدري ومعذور=ويفرح من عيوني لياصارت تشوف احبابها
واليوم كنه كل ما طالعت فوجيه الحضور=يقول تكفا لاتخليها تصك اهدابها
والارض هذي حبها ثابت وله ساس وجذور =محبتاً كثرالطيور اللي تطير اسرابها
من كثرها لولا على قلبي ظلوع الصدر سور=يمديه حوّل من معاليقه وحب اترابها
يادولة التوحيد شمسك جمر واترابك بخور=من حيث ماهبت هبايبها تفوح اطيابها
رسالتك تبقى سوات النقش من فوق الصخور=ماغيّرت فيها سياسات الدول وارهابها
في ظل ابومتعب وابوخالد طويلين الشبور=حكامنا سور البلاد وسترها وحجابها
سلايل الشيخ.الامام.الحاكم .الشهم.الغيور=اللي قبل حكمه هذيك الدار وش تلقابها
قبله وحنا لا وطن واحد ولا بيت معمور=ان كان ماطاحت مقادمها تطيح اطنابها
على جهل والجوع ياكل فالعرب والقاع بور=ايام راحت لاحضرناها ولاعشنابها
ايام راحت كان فيها دم الانسان مهدور=اما تغدتنا العرب والا تعشينابها
لكن تعلمنا وخلينا الجهل .. والعلم نور=والعنصريه لانثورها ولانسعابها
راحت عساها ماتعوّد والجميع بلاقصور=اخوان.. والحيه تموت وسمها في نابها
واليوم كل السالفه تعبير واحساس وشعور=والناس مامونه على تاريخها وانسابها
حنا عتيبه واسمنا في صدرالايام محفور=ونفوسنا ماتقبل الذله ولاترضابها
هذي عوايدنا على مر الليالي والعصور=نختار من كل الحياة اليا تخيرنابها
اما نموت وجعل تاكلنا الذيابه والنسور=والاّ نعيش وروسنا فوق السما نرقابها
اهل البيوت اللي سوات الشامخات من القصور =اللي تذري في ذراها كل من يلجابها
واهل السيوف اللي لياسوت لها نقطة عبور=يشق شقاً مايخيّط فالجسد مضرابها
سيوفنا ماكنها الاصوت حشرجة الصدور =وارماحنا ماكنها لامن تقدمنابها
الاّ يدين الجادل اللي كنها بدرالبدور=لوان الاخرى كل رجل من الرجال يهابها
هاذي خضاب يدينها واضح وبين ومخبور=وهذيك من دم الحنايا والصدور خضابها
والشمع واصوات البلابل والرسايل والزهور =والشوق وعيون الهنوف وسحرها واعجابها
يعوضنا فيها نهار نصيح بالصوت الجهور=نهار بعض الناس ماتقدر تفك ثيابها
نهار لاقمنا على حس الرصاص اللي يثور=لو البنادق معطبتنا ما نحسب احسابها
والله ماعنها نجنب لو توقع فالنحور=حتى تعود في يدينا من يدين اصحابها
وافين مانعرف نخون ولانبوق ولانبور=ولا نسب اعراض خلق الله ولانغتابها
العمر ينقص والزياده فالجنايز والقبور=والقاع تاكل والليالي ماوقف دولابها
وحنا على بيعة هل العوجا لوالدنيا تدور=كلمه عطيناها لبوتركي ولاخنابها
اسلامنا اللي مانجنب عنه الى يوم النشور=وبلادنا اللي محتمين سهولها وهضابها
وملوكنا اللي مانخالفهم على كل الامور =ثلاثه وكل الثلاثه مانعيش الابها
واللي يخلي وحدةٍ منها مجافا ومهجور =ما نستمع في حجته ولا نعرف اسبابها
اما تعذر والغلط وارد وله ربٍ غفور =والا يسامحنا على ارقبته ليا قلنابها
والزمره اللي ماتعرف الاّ التغطرس والغرور=ما عندنا غير السيوف اللي تقص ارقابها[/poem]


وسلمتوو