على خير...!

كيبورديه اتمنى ان تعجبكم



[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
يالطاري اللي جيت ماجيتني بخير=وش ذكرك فيني وانا منك سالـي
مالك على بالي هجوس وتفاكيـر=غايب وفي غيبتك مرتـاح بالـي
إلين ماهبت من الغربي عصيـر=واللي طرالي ليت ماهـو طرالـي
حبٍ تثنّت دون وصلـه مقاديـر=وتعقـدّت بينـي وبينـه حبالـي
هذاك عندي غير وامحبته غيـر=اوّل غــرامٍ ماتقـفّـاه تـالـي
ياليت قلب الآدمي طيـر وإيطيـر=لامرّتـه ذكـرى عزيزٍوغـالـي
عامين شفت من اللقاء كل تقصير=وانـا آتمنـى مقبـلات الليالـي
على رجا يمكن مع الوقت وايصير=ولابد الاقصى يجتمـع بالموالـي
وتزهر فياضٍ ممحلـه بالنواويـر=بين الحنايا والضلـوع الهزالـي
واقول طولي واقصري يامشاوير=لاعادت سنين الفـراق الخوالـي
معذور لو ماساق يمـي معاذيـر=لو مانشد عني وعن كيف حالـي
يبقا الحبيب وله مكانـه وتقديـر=في خافقٍ بعده مـن الحـب خالـي
عساه لامنّه ذكرني علـى خيـر=يقول ماغيره من النـاس غالـي[/poem]