ثمرة العلم يالــبـراق .. جـا تزوير في الاوراق !!

[align=center]
السلام عليكم ورحمة الله


كل عام وأنتم بخير


قصيدة موجهة إلي من الشاعر مسلم بن شعيل المطرفي ( رحمه الله ) عن طريق أخي العزيز ماجد الرويس , و ردي عليها.



قصيدة مسلم :[/align]



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أمانة يالرويس ان كان رحت لناصر البراق=تسلم لي عليه وقول انا جاي الك في مهمه
تقهوى ثم قل له ياكريم الاصل والاعراق=ترى مسلم شعيل المطرفي من ناس اهل ذمه
انا ماابغاك يا ماجد تزكيني على الخلاق=لكن الحق قوله ما حسبت حساب لابن امه
حشا لله ماانافق ولا اتهم مثلكم بنفاق=ولا اداهن ولا اراهن على البهتان والنمه
ولا اجامل ولا اعامل قليل الذوق والاخلاق=ولا اعدّل وابدّل في الكلام اللي على اليمه
هذيلي من هذيل اللي تصون العهد والميثاق=على وضح النقا المجرود راع الطيب ما اذمه
ثمرة العلم يالبراق جا تزوير في الاوراق=تطرّف لا يحملك " الكهل " همك على همه
تلاف المشكلة قدام يبدي في الظلال رواق=ترى بعض العرب لا شاب مايخجل على دمه
دليل التايهين اللي يحطون الجمال نياق=يزندق ويتشدق له مية عم و مية عمه
لك الله ما حسبنا له حساب ان ضاق وان ما ضاق=نبيع ونشتري بالصدق والاخلاص والهمه
بدون قصور في عتيبه نهار السبق والمسباق =عدانا و اصدقانا : ناس وجنون ارض ملتمه
مانجحدهم نهار يصير للماس الحمر براق=يغاث المستغيث بهم ويستانس بعد همه
ما نظلمهم ونهضمهم عوانينا ذرى المفتاق=ليا جالك ولد يا سامعي باسم البطل سمه
بعدها ياسلام الله سلام المسلم المشتاق=لشوفة كل شخص من ازملاه ومن بني عمه
واختمها بذكر الله ما حنا عيال اسواق=قبايل نفتخر بسلومنا ونشيد الامه
عليه ازكى صلواتي وتسليمي سوى وافراق=شفيع الناس نور الكون مخرجنا من الغمه[/poem]




[align=center]ردي علي قصيدة مسلم :[/align]



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

هلا يا مرحبا ما لاح في جنح الدجى براق=وما هل المطر واسقى الخضر واليابس وعمه
هلا ما فار فنجال ٍ على كرام اللحى ينساق=وفاح بريحٍ يداوي عماس الضرم لا شمه
هلا يا شاعرٍ يقطف من زهور المثل ما لاق=على صخر المعاني ينحت ويغرف من الجمه
بيوتٍ نادراتٍ لونهن لون الذهب شعَاق=على لبّة غنوجٍ تنقض المجدول و تلمّه
حسين البدع هيّض هاجسٍ للنايفة تواق=يصيد الجزل ولاّ الهزل ما لد النظر يمه
وعلى رد المثل جني هواجيس القصيد ارناق=تلاطم في ظميري مثل موج البحر وخضمه
الا يالمطرفي مسلم عسى شرواك ما ينعاق=تفضل مني المردود موفٍ كيفه وكمه
الا يا ترثة كرامٍ حشامٍ ذكرهم سبّاق=ولا ثار الكتم صاروا على العيالة مطمه
تباشر بالعتيبي في الرخا وان شحن الارياق=وتبشر بالسعد باذن الولي واللازم نتمه
و رجلٍ تذكره وتقول عنه مزور وبواق=يسوي عملته وليا قضى منها نفض كمه
تقول ان ضاق بالطقاق وان ماضاق بالطقاق=أجل وشهو له تدقق على التنوين والضمه
وانا ما ني وكيلٍ له وكيله كافل الارزاق=وهو ما همه بهمي وانا ماهمي بهمه
انا ما غثني ياكود خمة علمنة ونفاق=مابين الحين والآخر تفوج لحومها مخمه
الا وين الذي ياخذ على يدين السفيه العاق=مطية شر وافكاره بسم الغرب منسمه
من النور انسلخ لاجل الحطام وعانق الفساق=سواة الكلب يلهث في المثل رب البشر ذمه
الا يالله اذا نشرت صحايف وانكشف عن ساق=عسانا لك سجود وباليمين كتابنا نظمه
وترزقنا شفاعة من له اشتقنا مثل ما اشتاق=نبي كمّل النعمة ودين الحق واتمه[/poem]





[align=center]رحم الله الشاعر المبدع مسلم بن شعيل و أسكنه فسيح جناته.[/align]