ومن لايدوس الراي من قبل ماديس ...عليـه داسـوه العيـال القـرومـي

قصيدة للشيخ الراحل تركي بن حميد (رحمه الله تعالى)


[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
نومك طرب وأنا بنومي هواجيـس=ماسهـرك بالليـل كثـر الهمومـي
أسهر ليا نامت عيـون الهداريـس=وبالليل أراعي ساهـرات النجومـي
اوجس بصدري مثل دق النحاسيـس=الله يلـوم اللـي لحالـي يلـومـي
اشوف عـدلات الليالـي معابيـس=ولاأحدٍ من الدنيا عظامـة سلومـي
إعمل وتلقا وأفهـم العلـم بالقيـس=دنيـاك لوزانـت تراهـا نقومـي
تضحك وتخفي لك خفي الهناديـس=تفطر لهـا يـومٍ ويـومٍ تصومـي
قالوا جهلت وقلت جهل ٍ بـلا قيـس=الجاهل اللـي مايعـرف اليمومـي
كل القلـم مـن كتبنـا للقراطيـس=وركابنا من كثـر الأقـران تومـي
ولاخير في كثر الحكـا والتماليـس=وهرج ٍ بلافعل ٍ يجي بـه نقومـي
ومن لايدوس الراي من قبل ماديس=عليـه داسـوه العيـال القـرومـي
ومن لايقلط شذرة السيف والكيـس=يبدي عليـه مـن الليالـي ثلومـي
ومن لاخذا الدنيـا بميـز ٍ وتقييـس=يمسي سوات اللي ببحـر ٍ يعومـي
والقصر مايبنا على غيـر تاسيـس=ومـن لاتعلـم ماتسـر العلـومـي
والعز فوق معسكـرات السودايـس=ليا قصدت اللي بالأريـا رحومـي
قـب ٍ تنـازا بالنشامـا كراديـس=والطير فـي روجاتهنـه يحومـي
عرج ٍ بأهلهـن كنهـن القرانيـس=على الطريح مصوبرات ٍ كضومـي
ليا جن بنا مثل النعـام الاماريـس=لا خف عجل ٍ مع رقاق الحزومـي
استلحق اللـي يطلبـون النواميـس=اللي من الأقصين وأدنـى اللحومـي
وإن جوك بالميدان مثل الدواويـس=وطار الغطا عن قانيـات الرقومـي
لومي على اللي ينقلـون العبابيـس=وأهل الفرنـج وكـل رام ٍ لحومـي
بشلف ٍ تركب فالعروق المناسيـس=وقحص المهار وكل راس يزومـي
وليا اختلط عج الرمـك بالمقابيـس=المسعد اللـي حـظ ربعـه يقومـي
صوابنا بالميل غمـق ٍ ليـا قيـس=وطريحنـا فـي مثبـره مايقومـي
وليا اكترب من بعض الأريا نسانيس=اعـزم ولابـد الفـرج بالعزومـي
باب الفرج لبسك جديـد الملابيـس=ينجيك حزات الكـرب والزحومـي
والحـر لا دبـت عليـه النواميـس=يشهر وعـن دار المذلـه يشومـي
والشيخ من يعط الفقـارا المفاليـس=ويبـدل الساعـة بعـز ٍ يقـومـي
وليا توافق مشـور السـو وابليـس=تبـر منـه وعـز ربـي يدومـي
أربع سنين ودمع عينـي هماريـس=العين تسهـر كـن فيهـا هزومـي
فالليل أصالي حاميـات المحاميـس=والصبح ألاوي كـل قبـاً قحومـي
وليا ركبت معالجـات المضاريـس=يبرد على كبـدي لهيـب السمومـي
يجلي صدا قلبي ضبيح المهاريـس=لاجاك شـراب الحشايـش يعومـي
ودلال فوق النـار دايـم مجاليـس=إكرامهـن حـق ٍ علينـا لزومـي
من صنعة الصبة وخمسٍ تخاميـس=بريـة ٍ يعمـل بهـا كـل يومـي
وبهارهـا هيـل ٍ بليـا حواسيـس=كيـف ٍ يعـدا للنشامـا القرومـي
عـده لحمـاي الجيـاد المراويـس=وإلا الحصان اللـي بقينـه يهومـي
حتى يزين لنا الطـرب والتوانيـس=والكيف طاب لمن يفـك القحومـي
وصلاة ربي عد رمـل الطعاميـس=علـى نبـي الخلـق لمـا لمومـي [/poem]

لكم فائق احترامي وتقديري