( .. بعيش لك .. وأموت لك .. )

من مربع التوقيع

للمواهب .. ولاتبرّقون

.


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اقبل عذر من صاحبٍ أخطا وجانَبْه الصـواب=تجمّعت كـل الهمـوم بخافقـه عقـب الخطـا
ماكان يقصد يجرحك ويفـك للشرهـات بـاب=بس الظروف القاسيه تعطي .. وتجزل بالعطا !
أسقيتني ليلة تواجهنا من صنوف العذاب=وحطّيت لي قسوة زعَلْك فراش وصدودك غطا
امد لك كف التسامح وانت كتله من عتاب=تشعب ركابك للأسى والبين وتحث الخطا
وأنا مْن أجلك أركب أمواج التحدي والصّعاب=وأشفق لشوفك مثل ما القنّاص يشفق للقطا
سكّر هواي ولهفتي لك .. ياغلاي .. اف ماك ذاب=مثل ماذاب البرج من طيارة ( محمد عطا )
شريت في حبّك ليالي هم ولْيال اغتراب =وأخلاقك و ملحك وعفويتك سماسر ووْسطا
بعيش لك وأموت لك .. لو غبت ما اعياني الغياب=لوتبطي وتاخذ سنه بقول لك .. مامن بطا !
لن ماعلى مثلك ياساس الطهر والعفّه حساب=يا آرق وألطف من على القاع السعوديه وطا
قدّمت عذري وأعترف مذنب وجانبني الصواب=وأخطيت لكنّ أوعدك ما والله أعود الخطا
ولا أجرحك وآفك لعتابك وللشرهات باب=لو الظروف القاسيه تعطي .. وتجزل بالعطا ![/poem]

.

وسلامتكم