الـلـه يـسا مـحهـم مـشـوا

[align=center]السلام عليكم ورحمة الله وبركاته

ابيات متواضعة وقديمة للتواصل ليس الا واعذرونا على القصور[/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعين ماهليتي دموعك وانـا احبابـي جلـوا=وش فيك ما غرقتي الاحباب بدمـوع الحنيـن
ان كان عزة نفس ياعين الشقـا هذا...غلـو=وان كان باقي لك امل ياعين ما هم راجعيـن
مير انثري دمعك ترى الاشواق تصلاني صلو=وابكي على الاحباب طول العمر كانك تقدرين
ياليتهم يوم المـوادع ريعّـوا مـا استعجلـوا=لحظات حزن ٍ خالدة تفصل سنين ٍ عن سنين
شالوا على ظهر الجفا كل الامانـي ورحلـوا=وخلوا سيوف الياس تطعن مهجتي في كل حين
الله يسامحهم مشـوا هـاك النهـار وهمّلـوا=قلب ٍ ربوه وغيرهم ماله حبيـب ولا ضنيـن
احيوا ليال الصمت في كل المكـان وزلزلـوا=اركان قلبـي بالفـراق وبالجـراح وبالانيـن
اخلوا ديار العشق بالهجران لكـن مـا خلـوا=من ذنب قلب ٍ بالخلا خلوه واقفـوا راحليـن
يا ما طواه الشوق كان ابطوا عليـه وطولـوا=وياما تهاوى وانكسر لا غاب عنهم ساعتيـن
وياما تراقص وانتشى لا شاف الاحباب اقبلوا=وياما لقاهم فوق نار الشـوق قبلـه جالسيـن
وياكثر ما هلت مخايلهـم بصـدري واسبلـوا=لين ازهرت جرد الحنايا من يسارومن يميـن
مير الحيا بين الحنايا عقـب شـدوا ونقلـوا=يرعاه هم فراقهم من بعـد راحـوا نازحيـن
واليوم لو قلبـي وعينـي للحبايـب خايلـوا=ماعاد لي من مزنة احبابي رشاش ولا غشين
واناادري ان احباب قلبي عن غرامي ما سلوا=مير النوى والبعد ربي كاتبـه فـوق الجبيـن
ما ادري بعد ساقوا جميع ظعونهم وين نزلـوا=مير الاكيد ان الحبايب وسـط قلبـي نازليـن
ان غرّبوا وان شرّقوا والا اجنبوا والا اشملوا=ما نازل ٍ بالقلب غير الموت بعـد الراحليـن





[/poem]