[].. بصمة شــوق ..[]

للتواصل .. ليست إلاّ ..





[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
فمان الله .. روحي واتركي روحي بما فيها =فمان الله .. والذكرى تكفيني .. تكفيني
فمان الله .. لو ما أقدر على الفرقا وطاريها= "فمان الله .. يا أغلا من سكن داخل شراييني"
انا لو لوعة الفرقا تشد الروح ابا اخفيها = وابا اضحك وآتظاهر بالفرح .. والدمع في عيني
وابا ابكي كل ماصديت للذكرى .. واناديها= وأعيش بجوّها لو كان يتعبني ويشقيني
وابا اكتب صفحة الأشواق بالإحساس واطويها = وأخط أجمل رسومات الغلا .. وأجمل عناويني
سنين العمر لو مرّت وعدتنا لياليها = بقى للحب بصمة شوق .. أوقعها وتعنيني
على صوت الحقيقه لو .. مشاعرنا نغنيها = بكى نبض الخفوق .. وحارت دموع المحبيني
دقائق حبنا كانت .. تغني مع ثوانيها = وتاقف ساعة الفرحه وترقص بينك .. وبيني
انا شاعر مشاعر .. والمشاعر عند غاليها = تفوح بعطر مسك وفل وورود ورياحيني
تدلل من يدللها .. تراعي من يراعيها = على قدر الغلا .. تعطيك مهما كنت تعطيني
ولكن .. دمعتك ياعين هاتيها .. وهليها = فمان الله يا جرح الشعور .. وضحكة سنيني
فمان الله .. روحي واتركي روحي .. بما فيها = فمان الله .. والذكرى تكفيني .. تكفيني .![/poem]