رشـيـد الـزلامـي

قصيده للشاعر الكبير \ رشيد الزلامي


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البـارحـه يــوم الثـريـا تـويـقي=يـوم كـلٍ فـي لذيـذ الكـرى راق

وقفت ليـن الشـوف جالـه بريـقـي= مثل السراب اللي علـى البعـد لهـاق

أخيـل بـرقٍ صـوب واد العقـيـقي=ماشفت مثلـه يفضـح الليـل بـراق

عـسـاه يسـقـي دار ذاك الفـريـقي=لو رغبتي ما عـاد بـاقٍ لهـا بـاق

وذيـك الديـر مانـي عليهـا شفيـقي=تطيب منها النفس وتضيـق الاخـلاق

قزرت عمـري فـي بحرهـا غريـقي=متحمّـل ٍ كـل المتاعـب والارهـاق

لين انكشف وجـه العـدو والصديـقي=والرفقه اللي حبلهـا رمـث ودقـاق

ولا كلفـت نفـسٍ بـمـا لا تطـيـقي=تبينت لـي كنهـا شمـس الإشـراق

وانا ليـا شفـت الجفـا مـن رفيـقي=وصار الامل حبر ٍ على بيض الاوراق

قابلـت غلطـاتـه بـوجـهٍ طلـيـقي=ونظرت له نظـرة محـب ٍ ومشتـاق

أعطيـه حتـى مـن منامـه يفـيـقي=لا كلمةٍ سمعت ولا خاطـرٍ ضـاق

حتـى يعـرف انـي رفيـقٍ حقيـقي=وليا انحرف ماهو على بـاب الارزاق

يروح في دربـه وانـا فـي طريـقي=من خلقت الدنيا بهـا جمـع وافـراق

وعلـيّ بيبـان الفـرج مـا تضـيـق=أسوقهـا فـي كـل ديـره وتنسـاق

وابعد عـن اللـي رفقتـه مـا تليـقي=ماني علـى جنبـه معلّـق بمعـلاق

ياكثر مالي فـي الديـر مـن صديـقي=لا بارت العملـه وشحّـن الاسـواق

صداقـةٍ تبـنـا بـسـاس ٍ وثـيـقي=لا عقربٍ تلـدغ ولا مـوس حـلاق![/poem]