(*(( يافاتنه ))*)

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فتحت شباك الغرام وطارت اشواقي عليك=وانتي سماك احلام وارضك ورد وانهارك غلا

لامرّ زولك كل عرقٍ من عروقي قال ابيك=وان غاب زولك صارت الدنيا من غيابك خلا

يافاتنه من يوم شفتك والمعاليق بيديك= تموت من صمت الرجا وتعيش من كلمة (هلا)

كم ليلةٍ كانت تحرّاني على شان احتريك= وكم ليلةٍ كانت تنام وكنت اصحيّها على

صوت الخفوق اللي يونّ بحاجتك ويحنّ اليك= اللي يحس انّك ملاك و غير عن كل الملا

وكم ليلةٍ كانت تسرّيني على روحي واجيك=مثل الغريب اللي معوّد ديرته بعد جلا

من عام وآنا مستعد آبيع روحي واشتريك=وماني من اللي ياخذون العشق واحساسه حلا

كثر انتظاري كنت احبك وارغبك واموت فيك= وكثر انتحاري فيك اعيشك صدق ياريم الفلا

ياطول صبر الخافق اللي كثر جوعه يشتهيك =وياطول هم العاشق اللي في غيابك ماسلا

انا اشهد ان العشق بلوى لو تصدّه يبتليك=وانا على شوفة عيونك ياعيوني مبتلى

لكن يصبّرني ملامس راحتيك وشفتيك= وصوتك هذاك اللي كأنه للأذن ماي وكلا

ودموعك اللي حزنها جرّح مواني مدمعيك= واحساسك اللي ممتلي شوق وتغاريد وولااا

مدري متى يااغلى طموحي تلتقيني والتقيك= ونسرق من الايام ساعة شوق مافيها جلا

لاعاش خوفك وانتي بظل الأمان ولاعليك=والحب يامثل اللذي بقلوبنا والا فلا[/poem]