اخت الشمول

اعزائي اضع بين ايديكم هذه المشاركه امل ان تحوز على رضاكم



بكت سلوة الخاطر على هزة الفنجال
على جال نار(ن)من غضى الرس مشبوبه

تهز المواجع ماتراجع لها موال
جبين الحياء يندا لها والحيا ثوبه

انا والمعاميل الثمينه وخمس ارجال
وعد(ن)توارا للنظر طيب مشروبه

على غيبت الجوزاء يفوح الندا ميال
كما ميلة السلطان لعيون رعبوبه

تدوج وتلوج بخاطري حلها ترحال
وروح الجنين الطاهره منه منسوبه

لماذا لان الوقت همه وغمه شال
تعابير سور الصين لعضاه واقروبه

مواريه منه وفيه ياعالي المنزال
بعيد النظر شرواك وده ومطلوبه

تمنيت وقت (ن)فات نار(ن)كساها اللال
ولاكنها تشفي المغاليل بعذوبه

الى معشر الشعار والشاعرات انهال
سناء حرف عازف ليل في لب مكتوبه

لعل وعسى لهلال ساقه يطيب الفال
واذا هي خلت من ذروة الطيب منكوبه

يراود عزيز الجاه جاهه وند الحال
تجاهل سوانيها نواياه واسلوبه

ترنم عزيز القوم جاه ووجاه ومال
وصهوة جواد البيد زاده ومركوبه

على فوهة البركان حل النهار وزال
ولازالت الايام حلوه ومحبوبه

بقاء للنقا فنان له ريشة تحتال
على غفوة العذال للحر محسوبه

عزيزي عزيزي دوك حرفي وانا مهتال
من اللطيف والصوان زنده قضا نوبه

زمان الصبا ولى وظله بقا شلال
رسم له غيوب الشمس قبل امس برتوبه

مضى وانتحى واقفا وزلزل بي الزلزال
ويبقا بقايا للامل وانتحي صوبه

وانا والله اني بالرواسي وحيد جبال
مساه وصباحه بالمدارين غيبوبه

على قمة الشامخ يميني لها مكيال
لك الله ياراع الوفاء ماهي اكذوبه

شرفها شريف الخال والجد والاجال
بناها عريب الساس طوبه على طوبه

صداها صدى وجدي وعالي علاها عال
لها دلة باللين والكود مربوبه


وتقبلوا جل احترامي وتقديري
اخوكم
عبدالله الوعد