الله على الاحلام

[poem=font="Simplified Arabic,5,black,normal,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
مانيب عالم دين وافتي عـن الديـن=ولا ملمـاً فـي علـوم السيـاسـه
شهادتـي واقـع تجـارب ثلاثيـن=عاماً ترى ماهـي شهـادة دراسـه
فيها شعـاراتً مـن يسـار ويميـن=تحمل رمـوز المعرفـه والفراسـه
شاعر واصورلي زهـور وبساتيـن=وان عاكست صورت أنا الانعكاسـه
وسجت القدم في كل شتى المياديـن=ومنها اقتبست اللي يلـوق اقتباسـه
والشين اجنب عنـه وانقـي الزيـن=منا التعـب يخلـف ومنـا وناسـه
وان جف نبع الزين وصفت أنا الشين=وفصلت له ثـوبً يطابـق مقاسـه
الحق بنطـق بـه أمـام السلاطيـن=لاهـوب لانمـه ولاهـو بـلاسـه
من ولي امراً ما راعا حدى امريـن=العفو ولا الحـق معـروف اساسـه
العدل سيفً وين ماووميت به ويـن=يشقر عصاء فتنة بليـس وحماسـه
وهل المراجـل والجمالـه معانيـن=الطيب لـه ناسـه وللخبـث ناسـه
ولا تحسبن اهـل الخباثـه سعيديـن=ابـداً تراهـم فـي معامـع تعاسـه
جايـز تبـرر لرخامـه بعـذريـن=الا الفراسـه بالـردى والخساسـه
والآدمي مسكيـن مسكيـن مسكيـن=لكـن مـع الاحـلام ياقـو باسـه
الله على الاحلام من حيـن لاحيـن=لو مالها عقـب الصعـود انتكاسـه
والله على كنـز الذهـب والملاييـن=لاستثمرت في فعل خيـراً دساسـه
واعتق بها ارقاب وفكـت مساجيـن=وكسيبهـا جسمـاً سمـالً لبـاسـه
ورقع بها خصـة فقيـرا مسيكيـن=ورمـلاً تـخللها الفقـر بأختلاسـه
ذا دورها ادري واكثر الناس داريـن=الامـر واضـح ماعليـه التبـاسـه
ومن عايش الواقع على العسر واللين=زهد وهـز مـن المعانـاه راسـه
[/poem]