( مـناديـب الهجـوس ) ..

[poem=font="Arabic Transparent,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
وقفت بين الحلم والواقع على ركبه وساق= وعيني على درب الحنين تبيح سر اشواقها
ماضي مضى ياسعود ما بين المواجه والفراق=هاك السنين اللي على الخاطر حكيم وثاقها
يهزني سلك الضمير وجبت مكنون العماق=وانا مناديب الهجوس تسوقني واستاقها
اكتب من احساس الزمن.. واكتب من احساس النطاق=قريحتي صعبه ولا ترضى بغير اذواقها
اعايش هموم العراق.. وكني من اهل العراق= وان شفتني ساكت .. جروح القلب وسط اعماقها
ان ماحضرت بهيبتي .. وألا رحلت بما يُِِلاق=وألا عسى عمر الشجر ماطاح خضر اوراقها
البارحه ليله مساريها على الساري ضياق= يوم ان رجلي ساقها للقدره اللي ساقها
الجادل اللي من غلاها شلت حملٍ مايطاق=مرّيت مدري مرّت الذكرى مكان فراقها
جتني مثل مزنة عصر واقفت مثل برق الحقاق=وان عوّدت تلقى المشاعر مامحت ميثاقها
اغليتها مثل البدو لا اغلت مزايين النياق= وزودّ غلاها وسط قلبي دلّها واخلاقها
منول اجهل في معاني الحب.. معنى الأشتياق=وألحين حاوي للمعاني جلّها ودقاقها
في قربها كنّي مع الأيام داخل في سباق= وفي بعدها علّقت صورتها على معلاقها
راحت وخلّت لي من الذكرى حزن مرّ المذاق=يالله عسى جرح الليالي يدّرج في ساقها ![/poem]



[align=center]..[/align]