العمر رحلة والهقاوي مشاوير00كم واحد ٍيدفن وهو ماوصلها

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله تجعلـي مـن اليسـر تيسيـر=ياعالم ن عن حال نفسـي واجلهـا
ياخالق الجنـه وخالـق زمهريـر=ياللـي ليـا مالـت علينـا عدلهـا
رجواك يامنش المـزون المزابيـر=تطرد بها قحـط السنيـن ومحلهـا
اليا ارتخت منها الثعول الشخاتيـر=وقدامهـا قـام يتسابـق طفلـهـا
تشوف في برقه سـوات النوافيـر=صـوره لشلالاتهـا مـن جبلـهـا
وانـا رجـاوي والليالـي مناحيـر=تعط الامـل ولا تقفـي بـا املهـا
ماضاق صدري من صدوف المقادير=عسفت نفسي ما عسفني زعلهـا
صخرتها في منهج الصبر تصخيـر=قـدام تعصانـي واسيـر بجهلهـا
علقتها بحبل الرجى واطلب الخيـر=بحسن الختام لرحلـة ن مرتحلهـا
والعمر رحله والهقـاوي مشاويـر=كم واحد ن يدفن وهـو ماوصلهـا
يرحـل ويبقـى لذكرياتـه تذاكيـر=وفي ماعمل نفسه تواجـه عملهـا
والطيـب لطيـب ربيـع ونواويـر=لو غاب ماغابـت فعـول ن فعلهـا
ولا الردي نفاخ كير ن علـى كيـر=حصيـل ثملـه ماقناهـا وفلـهـا
سهاج واجـب مايحـب المخاسيـر=وليااقبلـت لـه موجبـه ماقبلهـا
لوالمراجل حمـل ويشيلهـا بعيـر=يبرك علـى روس الثـوم مانقلهـا
زيزومها اللي ينقل وساقـة الغيـر=ترزا الحمـول و مالهـا الاجملهـا
اليوم ولا يـوم سـوق المظاهيـر=ياكبرهـا ياصغرهـا عنـد اهلهـا
مبطي تباع الروح دون المصاغيـر=من دونها كم روح قـرم ن تفلهـا
يوم المنايا صفوف جمع وطوابيـر=تفرحبها قلوب ن على الهوش ولها
لاجردة حـدب السيـوف البواتيـر=وكل ن تعزوى بعزوته قال انا الهـا
تطلـع مناحيـر السبايـا مدابيـر=وتكـر وتعـود وتطـلـع قبلـهـا
بمزرج ن يغد الترايـب تنانيـر=كم سربة ن منها الجنايـز عزلهـا
وقضبت مباطح ضيقات المواصيـر=يسبق نباهـا فعلهـا مـن عجلهـا
سود الرقاب امبرشمات المساميـر=تلفـظ نواتشهـا فـوارغ نفلـهـا
حضب المناكب مخلجات المصاديـر=من العين لين العين تحسب قفلهـا
بروس ن تراسنها الظفر والسعاطير=الخوف عايـف روسهـم مادخلهـا
ذروة سنام المجد سيـرة مشاهيـر=طبعت على صدر الزمـان وكفلهـا
وحنا بزمان الخير واحوالنـا غيـر=تدرج بنا الدنيـا ويـدرج عجلهـا
كثرت مذاهب من يقولـون تطويـر=ناس ن نقضها الوقت مدري فتلهـا
تشبهـو بالمتـرفـات الغنـاديـر=خشيبة ن سوس الحداثـه نخلهـا
يوسر جناح البوم من ريشة الطيـر=تكثـر مدايحهـا ويرفـا خملـهـا
وانا معيف ومنكف وطالـب الخيـر=بحـس الختـام لرحلـة ٍ مرتحلهـا [/poem]