مـزوحـي

كان لها موقف

أمل إن تقبلوها بعلاتها

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]


يا صاحبي ماعاد هي ؛ هي الأيام = ولا عادنيّ ؛ ذاك الضحوك المزوحي

هذاك أنا من قبل تنكيس الأعلام = من قبل لا تخطي يديني شبوحي

لا تفتح الغاير على طاقة أثام = تنثال في سمعك مكامن جروحي

ماعاد لي لايم ولاني بلوام = إن كان توحيني فأنا فيك موحي

قدني احسّب خطوتي بين الأقدام = انحيت من قمة هرمي وسفوحي

راحت لأماني كلها اقوال وأحلام = خلّت لي اوجاعي وسهدي ونوحي

لادام لي فرح ولا الضحك لي دام = اخشى زماني لا يغرر ببوحي

يفضح شرايد مابقالي من احطام = لا لي شراع ولا تكدشت لوحي

يا صاحبي لوّ الأمل بيد سوام = ارخصت له دمعي ودمي وروحي

من عام من عامين من سبعة أعوام = وأنا الحزن لذة عشاي وصبوحي

يا صاحبي ماعاد هي ؛ هي لأيام = يكفيني أني قد تهاوى طموحي [/poem]

[align=center]



,


,


,


تمت [/align]