على حـد موس

المشاركة الأصلية كتبت بواسطة عبدالله الطلحي

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياكم سمعنا وكم مرت علينا دروس=مانفهم الدرس لين ايامنا تشرحه
أدركت عودٍ يقول اقبل زمان العبوس=تمشي مع الناس ماتلقى مرح تمرحه
وتشح الأمطار وتصير الموارد يبوس=والناس حتى نهار العيد ماتفرحه
ويجيك جيلٍ يطاوع كل راي معَكوس=لوترسم الدرب قدامه ولو تبرحه
ويجيك عقبه زمان تزيد فيه الفلوس=تشقى بها الناس واللي تجمعه تطرحه
وتجيك الأخبار ماتحتاج ترسل عسوس=يكشَف لك الكون تتفرج على مسرحه
وعقبه يجي شي يكشف عن خبايا النفوس=أشد من مشرط الجراح في المشرحه
وامسيت خايف وتلعب في ضميري هجوس=الليل من يجهمه والصبح من يسرحه
واصبحت مثل الذي يمشي على حد موس=لازل عنها قدم رجله ولاتجرحه[/poem]

شاعري المفضّل /عبدالله الطلحي ..

لأنك وببساطه ..

شاعر تمتلك كل مقومات الابداع ..

جزاله ..


حكمه ..

بعد نظر ..

تمكّن ..

والقائمة تطول ..

سجل إعجابي اللامحدووود بكل ماتكتب ياعبدالله ..


وكفى

المحب لك في الله /أبوشاهر