الراي الاخير ..!

بسم الله الرحمن الرحيم
السلام عليكم ورحمة الله وبركاته
.
.
هاذي قصيدة من القديم المتجدد

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحة يابلشة الشاعر .. ويابذت خفاه=من طول ليل البارحة يارب ماغيرك .. مـُجير
لاعادها الله .. كانها زادت على الخافق عناه=ودكـّت هواجيسه بعد ماكان عنها مستخير
ماعاد فالدعوة غزل .. ياصاحبٍ جاني نباه=اخذ العلوم إليا جتك .. هذا قليلٍ من كثير
ياصاحبي .. والصاحب إمـّا قام من دون اخوياه=هذا .. حرام اني ماأعده لو يصير اللي يصير
لاصار ماهو في الشدايد فرحةٍ للي نصاه=لاشك .. بأنه يارفيقي واحدٍ مافيه خير
والي حضوره في المواقف مايشد الانتباه=هذا يغيب احسن لـّه ويرتاح في اليوم العسير
والي سعى لكسب الجميلة .. الله يسدد خطاه=دامه على درب الجمالة يتعب الرجل ويسير
لذا .. فخلـّك قد هقواتي على كل اتجاه=حذرا .. تغيرك الليالي .. والزمان المستدير
الرجل .. لو لا ماقفه مابان طيبه من رداه=ولابان من شوحه بعيد .. (ا) من الذي شوحه قصير
والواجب ان العلم .. لامن جاك من بعض الرواه=انك تحقق منه .. قبل تحدد ( الراي الاخير )
واعلم ترا هرج الضعوف اللي تناقله الوشاه=ماهزّني .. وطويق ماهزّه نسانيس العصير
اعز نفسي .. وافرض حقوقي على هذا وذاه=لان الكبير يموت .. مانزّل مقامه للصغير
والهرج ملكك طالما .. ماغادر حدود الشفاه=الا ليا منـّه تعدّا .. عاد صار الوضع غير
يبقى ( الجزاء جنس العمل ) .. كلٍ يجازى بما جزاه=ولافيه شك إن كل دربٍ .. لها نهايات ومصير
فأحفظ لسانك .. لاجل ماتبلش وتبعد عن أذاه=خل الذي فأقصى الضمير يموت .. في أقصى الضمير
لو أن في صدرك علوم .. أكبر من جبال السراه=لاتشتكي للناس .. مشكاتك على الحي البصير
مايندم الرجـّال .. لامنه جعل ( ماه بسماه )=فإن طعتني .. إدفن همومك كلها في ( جوف بير )
هاذي علومي .. واعتبرها زي ( لفت الانتباه )=حاول تدقق في الامور .. وغوص في البحر الغزير
خذها من الخاطر .. ولاني نادب لاعلمي وصاه=(وإسلم وسلـّم ) .. وإستمع بالذات للبيت الاخير
حرااااام .. ياهرج الضعوف اللي تناقله الوشاه=ماهزّني .. وطويق ماهزّه نسانيس العصير[/poem]



وسلامة عيون كل من مرأ لهووون