نحيل الخصر معسول الشفايف ..

[align=center]السلام عليكم ...


عذراً عن الغياب بسبب الظروف[/align]



[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
علام الولف يا نايف علامه = بخيل ٍ في اتصاله وابسلامه
في تالي وقتنا أصبح يجافي = وأنا ما غير أفكر في كلامه
عسى ما هو زعل مني بكلمه = أو أنه مستمع هرج الملامه
أو أنه عاجبه غيري أو أنه = تغلى يوم زوّدت اهتمامه !!
نحيل الخصر معسول الشفايف = كحيل العين خده كالغمامه
طويل القد متباهي وزاهي = يبيّن كل وصف ٍ بانسجامه
غيابه من ثمان شهور وأكثر = وانوح اليا طرى نوح الحمامه
ابيك تروح له بالله قله = علام النور غيّبه ظلامه !!
علامه مبطي ٍ ما عاد يسأل = وانا ما غير مشغلني غرامه
وابيك تقول له عن وصف حالي = عساه يحن ويحس بندامه
هويته والهوى ماهوب يرحم = وجسمي ما قوت شيّله عظامه
يذوق النوم وعيوني سهيره = عسى ربي يهنيه بمنامه
مقامه غالي ٍ ماهوب يرخص = لو أنه قد نسى باقي احترامه
ولكن لا يخليني يا نايف = يضيع العمر عامه خلف عامه
طلبتك لا يوردني هلاكي = حرام أنه حرمني الابتسامه[/poem]