الشـ عبدالعزيز بن جامع ـيخ ... رحمه الله .

رحم الله الشيخ عبدالعزيز بن جاااامع
فقد كان نعم الرجل قولا وفعلا
ورثت محبته من والدي رحمه الله
ولمست بنفسي عمق تلك المحبة بين الاثنين
رحمهما الله رحمة واسعة

هنا تعجز الحروف عن سبر اغوار النفس تجاه هذا الفقيد ويعلم الله انه مقدر من الجمييييييع
رحمه الله
.
.
.

توطئة

.
.

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يمين ان العلوم الطيبة وان جات في رجال=فلا هي غير في مثل العريب الشايخ ابن جامع
هذاك اللي يمينه تردف الاقوال بالافعال=شهد له في سماء نجد المسمى نجمه اللامع
هذاك الشايب اللي وان زمى للفعل قال وطال=يطول ولا حسب زحل المراجل طمعة الطامع
هذاك الشايب اللي وان برك للكايدات اشتال=كتب له سيرة سولف بها الراوي على السامع
بنى له بالنقا والطيب بقلوب العرب منزال=كسب صيته بطيبه ما تحرّى رمعة الرامع
أنعِّم له ومثله للنِّعم يصير عم وخال=نِعم تكسى ملحّى شايب الروسان ابن جامع[/poem]

.
.
.

دمعة محب

.

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جيت للمعنى وانا ماني خلي=وابدع القيفان والمخرج ملي
ابدع القيفان في ذرب اليمين=شايب ٍ فيه المعاني تصطلي
تصطلي عزّه وهيبه وافتخار=في ثنى شيخ ٍ سنا طيبه جلي
شيخ والشيخه تنومس في هذاك=وانشد التاريخ يا من تسألي
راعي الوقفات والراي السديد=ومن جهل ينشد ويسمع ما يلي
ذاك ابن جامع عمى عين الضديد=راعي الفعل القديم الاولي
ان حضر يوقف حلاحيل الرجال=هو كعام اللي يعقد ويفتلي
شايب الرّوسان كسَّاب الجميل=بالوفاء ما له شبيه ولا حلي
له مع النوماس ميعاد وحضور=وفي سجل الطيب ذاك مسجلي
شاع ذكره بالعلوم الطيبات=طيّب ٍ للطيب دايم معتلي
شايب في فزعته نِعم الفزيع=ما يبدّي شافعي عن حنبلي
يورد الفزعات حوض ابشر وسم=ولا يورِّد ليه والاّ ما علي
مجلسه ملفى كريمين السبال=مدهل ٍ للطيب نِعم المدهلي
مؤمن ٍ حبله مَعَ ربه جويد=منهجه نهج الكتاب المنزلي
مع ولي العرش له عهد ٍ وثيق= حافظ ٍ هدي الحبيب المرسلي
راح واقفت به صواديف الليال=وكن عقبه نجد من طيبه خلي
مير اسَآلك يا عظيم ويا رحيم=جازه بحسناك عمّا يعملي
ثبّته ياخالقي عند السؤال=مقفي ٍ عنا ويمّك مقبلي
جعل ابو خالد بجنات النعيم = مع محمد وابن ابو طالب علي
وجعل ابا القاسم لابوخالد شفيع=يا ولي ٍ ما لنا غيره ولي[/poem]
.

صلوا على محمد
وقولوا امين