طوال المشاوير

السلام عليكم ورحمة الله وبركاته

اخواني اعضاء المرقاب ,,,اسعد الله مساكم بكل خير

العذر من الله ثم منك عن تقصيري في حق هذا الصرح الشامخ ... ولكن هي الظروف ابعدتني قالبا فقط والقلب لكم ومعكم ...

واليكم اهدي هذه المتواضعه متمنيا من الله ان تنال على القليل من رضاكم ورضا قلوبكم الطاهره .






[align=center]الله يعدي ليلتي ذي على خيـــر
بعد الهموم لضيقها سلمتـــني


ولقيتني بين الخطا والمعاذير
كتبت نفسي للسنين وقرتنــــي


مابين شرهات الوجيه المسافيـر
واقسى الليال اللي خذت ماعطتني


غضيت عيني عن صروف المقاديــر
ماكنها اللي للعيون فضحتنـــي



دربي طويل ولا حسبت المخــاسير
مدامت ارباح الندم مفقرتـــني


ثنيت رجلي ياطوال المشـــاوير
ماشايلن حمل التعب غير متنــي


كم لي وانا ضامي على جمةالبير
لا البير جف ولا الرشا مسقيتنـي


الهم وظروفي عجاج و معـــاصير
من وين ماسوق الرجاء واجهتـني


مخلاب عوزي ماترك للأمــل طيــر
وانياب تاريخ القصى جرحتنـــي


قلطت حلمي عند غبن المدابــير
والمقبلات لجـورها قلطـــــتني



ولا أنت

ولا أنت


ولا انت ياعم الهوى والغنـادير
نهيت عيني عن سهرك وعصتنــــي


عقبك مقاديري جفتها التباشيـر
واشياء كثيره في حياتي جفتني


اجامل ايام التعب كني بخيـــر
وانا بك سنين الـبطا متعبتـني


شفني لك اسرجت المواجع طوابير
ونصيتها قلبك عقــب ضايقتتــني


واقبلت وجروح الزمن مالها غيـر
وجهك دواء يوم الوجيه انكرتني


اخوكم

غــشـــــــــــام [/align]